മയ്യിൽ :- കേരളാ സ്റ്റേറ്റ് സർവീസ് പെൻഷനേഴ്സ് യൂണിയൻ 33 - മത് കണ്ണൂർ ജില്ലാ സമ്മേളനം മയ്യിൽ സാറ്റ് കോസ് ഓഡിറ്റോറിയത്തിൽ തുടക്കമായി. പ്രസിഡന്റ് ടി.ശിവദാസൻ മാസ്റ്റർ പതാക ഉയർത്തി. മയ്യിൽ ബ്ലോക്കിലെ 33 ഗായകർ പങ്കെടുത്ത് സ്വാഗതഗാനം ആലപിച്ചു. മുൻ കേരള വിദ്യാഭ്യാസ വകുപ്പ് മന്ത്രി ഫ്രൊഫ: സി.രവീന്ദ്രനാഥ് ഉദ്ഘാടനം ചെയ്തു. കണ്ണൂർ ജില്ലാ പ്രസിഡന്റ ടി.ശിവദാസൻ മാസ്റ്റർ അധ്യക്ഷത വഹിച്ചു.
സി.വിജയൻ (ഐ.എൻ.ടി.യു.സി), എ.ബാലകൃഷ്ണൻ (സി.ഐ.ടി.യു) എ. പ്രഭാകരൻ (എ.ഐ.ടി.യു.സി), കെ.ശശീന്ദ്രൻ മാസ്റ്റർ (എഫ്.എസ്.ഇ.ടി.യു) എന്നിവർ സംസാരിച്ചു. മയ്യിൽ ഗ്രാമപഞ്ചായത്ത് പ്രസിഡന്റ് എം.വി അജിത സ്വാഗതവും ജില്ലാ ജോ. സിക്രട്ടറി കെ.എം. ബാലചന്ദ്രൻ നന്ദിയും പറഞ്ഞു.
തുടർന്ന് ജില്ലാ കമ്മറ്റി അംഗം പ്രൊഫ.വി.രവീന്ദ്രന്റെ അധ്യക്ഷതയിൽ നടന്ന സാംസ്കാരിക സമ്മേളനം പ്രശസ്ത കവിയും എഴുത്തുകാരനും വാഗ്മിയുമായ ആലങ്കോട് ലീലാകൃഷ്ണൻ ഉദ്ഘാടനം ചെയ്തു. സമ്മേളനത്തോടനുബന്ധിച്ച് നടന്ന സാഹിത്യ മത്സരങ്ങളിലെ വിജയികൾക്ക് വിശിഷ്ടാതിഥി സമ്മാനം നൽകി. ജില്ലാവൈസ് പ്രസിഡന്റ് സി.കെ രാഘവൻ നമ്പ്യാർ സ്വാഗതവും എം.വി രാമചന്ദ്രൻ (വൈ.പ്രസിഡന്റ്) നന്ദിയും പറഞ്ഞു.
തുടർന്ന് നടന്ന വനിതാ സമ്മേളനം ജില്ലാ പഞ്ചായത്ത് സ്റ്റാൻഡിംഗ് കമ്മറ്റി സ്റ്റാൻഡിങ് കമ്മറ്റി ചേർ പേഴ്സൻ എൻ.വി ശ്രീജിനിയുടെ അധ്യക്ഷതയിൽ കണ്ണൂർ ഗവ: മെഡിക്കൽ ക്കോളജ് എച്ച്.ഒ.ഡി ഡോ: എ.കെ ജയശ്രീ ഉദ്ഘാടനം ചെയ്തു. സംസ്ഥാനകമ്മറ്റി അംഗം കെ.ടി. കൃത്രിക്കുട്ടി ടീച്ചർ സംസാരിച്ചു. ജില്ലാ വനിതാവേദി കൺവീനർ ടി.ആർ സുശീല സ്വാഗതവും ജോ.സെക്രട്ടറി ടി.വി വനജാക്ഷി നന്ദിയും പറഞ്ഞു.
തുടർന്ന് പെൻഷൻകാരുടെ ശക്തി പ്രകടനവും പൊതുയോഗവും നടന്നു. മയ്യിൽ ബസ് സ്റ്റാൻഡിൽ നടന്ന പൊതുയോഗം ടി.ശിവദാസൻ മാസ്റ്റരുടെ അക്ഷതയിൽ ജില്ലാ പഞ്ചായത്ത് വൈസ് പ്രസിഡന്റ് അഡ്വ.ബിനോയ് കൂര്യൻ ഉദ്ഘാടനം ചെയ്തു. സംസ്ഥാന കമമറ്റി സെക്രട്ടറി കെ.കരുണാകരൻ മാസ്റ്റർ, സംസ്ഥാന കമ്മറ്റി അംഗങ്ങളായ പി.വി പത്മനാഭൻ മാസ്റ്റർ, കത്രിക്കുട്ടി ടീച്ചർ, ഇ.മുകുന്ദൻ , എന്നിവർ സംസാരിച്ചു. ജില്ലാ ജോ. സെക്രട്ടറി വി.പി കിരൺ സ്വാഗതവും മയ്യിൽ ബ്ലോക്ക് സെക്രട്ടറി സി.പത്മനാഭൻ നന്ദിയും പറഞ്ഞു.
