കമ്പിൽ :- കമ്പിൽ എ.എൽ.പി സ്കൂൾ ചെറുക്കുന്ന് 124 - മത് വാർഷികാഘോഷം "താളമയം" നാളെ ഏപ്രിൽ 3 വ്യാഴാഴ്ച നടക്കും. ജില്ലാ പഞ്ചായത്ത് പ്രസിഡന്റ് അഡ്വ: കെ.കെ രത്നകുമാരി ഉദ്ഘാടനം ചെയ്യും. പിടിഎ പ്രസിഡന്റ് സി.എച്ച് സജീവൻ അധ്യക്ഷത വഹിക്കും. LSS വിജയിക്കുള്ള അനുമോദനവും, വിവിധ മത്സര വിജയികൾക്കുള്ള സമ്മാനങ്ങളും പാഠ്യപഠ്യേതര പ്രവർത്തനങ്ങളിൽ മികവ് തെളിയിച്ച വിദ്യാർഥികൾക്കുള്ള എൻഡോവ്മെൻ്റും വിതരണവും ചെയ്യും.
ശ്രീധരൻ സംഘമിത്ര, ടി.പി ദുർഗാദേവി, കെ.രാമകൃഷ്ണൻ, ടി.വി സുശീല, കെ.വി ഹനീഫ, സി.കെ ജ്യോതി തുടങ്ങിയവർ സംസാരിക്കും. സ്കൂൾ ഹെഡ് മിസ്ട്രസ് കെ.സ്മിത റിപ്പോർട്ട് അവതരിപ്പിക്കും. തുടർന്ന് വിദ്യാർഥികളും രക്ഷിതാക്കളും അവതരിപ്പിക്കുന്ന നൃത്തനൃത്യങ്ങൾ, കുട്ടികൾ അവതരിപ്പിക്കുന്ന നാടകം 'സുന്ദരനും കഴുതയും', എന്നിവ അരങ്ങേറും.
