കണ്ണാടിപ്പറമ്പ്:-ചേണിച്ചേരി പുത്തൻ വളപ്പിൽ (സി പി ഫാമിലി ) പ്രഥമ കുടുംബ സംഗമം കണ്ണാടിപ്പറമ്പ് ശ്രീധർമ ശാസ്ത ക്ഷേത്ര ഓഡിറ്റ്‌റ്റോറിയത്തിൽ നടന്നു . രാവിലെ ഒൻപത് മണിയോടെ കുമാരി ദിൽകൃഷ്ണയുടെ ഈശ്വര പ്രാർത്ഥനയോടെ പരിപാടി ആരംഭിച്ചു .സിപി ഫാമിലി മീറ്റ് സെക്രട്ടറി സിപി രാജീവൻ സ്വാഗതം പറഞ്ഞു. പ്രസിഡന്റ്‌ സിപി രവീന്ദ്രന്റെ അദ്ധ്യ ക്ഷതയിൽ പ്രശസ്ത വാഗ്മിയും പ്രഭാഷകനും സിപി ഫാമിലി കുടുംബാംഗവുമായ ആചാര്യൻ പി വി. രാമചന്ദ്രൻ മാസ്റ്റർ കുടുംബ സംഗമം ഉദ്ഘാടനം ചെയ്തു.സിപി.രവീന്ദ്രൻ അനുശോചന സന്ദേശം അറിയിച്ചു. ട്രഷർർ സിപി. ചന്ദ്രാംഗദൻ പ്രവർത്തന റിപ്പോർട്ട്‌ അവതരിപ്പിച്ചു.
ഭാസ്കരൻ നമ്പ്യാർ, സദാനന്ദൻ സിപി,പി വി ഗോപാലകൃഷ്ണൻ, ശ്രീകുമാർ, പ്രിയ സിപി റീത്ത സിപി ,.സന്ധ്യ. ഡോക്ടർ ഐശ്വര്യ എന്നിവർ സംസാരിച്ചു. തുടർന്ന് മുതിർന്ന കുടുംബാംഗങ്ങളെ ആദരിച്ചു. മോട്ടിവേഷൻ ട്രെയിൻറും സിപി കുടുംബാംഗവുമായ സിപി.ഗോപാലകൃഷ്ണൻ മോട്ടിവേഷൻ ക്ലാസ്സ്‌ നടത്തി. ചടങ്ങിൽ പഠനത്തിലും കലാകായികത്തിലും മികവ് തെളിയിച്ചവരെ അനുമോദിച്ചു. സിപി ഫാമിലി മീറ്റ് കൺവീനർ സിപി രാധാകൃഷ്ണൻ, സിപി സന്തോഷ്‌ ,ശ്രീ സിടി സന്തോഷ്‌, മനോജ്‌ കുമാർ സിപി, സിപി സുധാകരൻ എന്നിവർ പരിപാടിക്ക് നേതൃത്വം നൽകി. തുടർന്ന് കലാപരിപാടികളും ഫോക്കസ് കൊളച്ചേരിയുടെ കരോക്കെ ഗാനമേളയും നടത്തി. പരിപാടിയിൽ പങ്കെടുത്തവർക്ക് സമ്മാനം നൽകി. പി .ചന്ദ്രശേഖരൻ നന്ദിയും പറഞ്ഞു.
