നാറാത്ത്:-ധർമ്മത്തിന് ആശ്രയം ലോക ബന്ധങ്ങ ഉല്ലെന്നും ലോക ബന്ധങ്ങളുടെ വേലി എടുത്തു ചാടിയവരാണ് ലോകത്ത് മഹനീയ കർമ്മങ്ങൾ ചെയ്തതെന്നും കേരള സംസ്ഥാന മുന്നോക്ക സമുദായ ക്ഷേമ കോർപ്പറേഷൻ ഡയറക്ടർ കെ സി സോമൻ നമ്പ്യാർ അഭിപ്രായപ്പെട്ടു. ചിദഗ്നി സനാതന ധർമ്മ പാഠശാല ഓണപ്പറമ്പ് ഓങ്കാര ഭവനത്തിൽ നടത്തിയ 200 വീടുകളിൽ സൗജന്യമായി രാമായണം നൽകുന്ന പരിപാടി ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.രാമായണം മനുഷ്യ ജീവിതത്തിന്റെ തനിപ്പകർപ്പാണ് സമ്പൂർണ്ണ ജീവിത ദർശനമാണ് രാമായണം.അതുകൊണ്ട് രാമായണം വായിച്ച് ജീവിതത്തിൽ പകർത്താൻ പുതു തലമുറ തയ്യാറാകണമെന്നും അദ്ദേഹം അഭിപ്രായപ്പെട്ടു.
ചിദഗ്നി ചെയർമാൻ കെ എൻ രാധാകൃഷ്ണൻ മാസ്റ്റർ അധ്യക്ഷത വഹിച്ചു സ്വാമി കൈവല്യാനന്ദ സരസ്വതി അനുഗ്രഹ പ്രഭാഷണവും ഒ. നാരായണൻ , വി പി ജോമോൻ എന്നിവർ ആശംസാ പ്രസംഗവും നടത്തി. സത്സംഗം മാസികയുടെ കൊട്ടിയൂർ സപ്ലിമെൻറ് വേദിയിൽ വച്ച് പ്രകാശനം ചെയ്തു. പ്രശസ്ത കർണാടക സംഗീതജ്ഞ വൈഷ്ണവി നമ്പ്യാരെ ആദരിച്ചു. ഒ.സി സൂരജ് സ്വാഗതവും എംടി ദേവദാസൻ നന്ദിയും പറഞ്ഞു.
