ചേലേരി :- വെൽഫെയർ പാർട്ടി കൊളച്ചേരിയുടെ നേതൃത്വത്തിൽ സ്നേഹ സംഗമം ജൂലൈ 20 ഞായറാഴ്ച വൈകുന്നേരം 4 മണി മുതൽ ചേലേരിമുക്കിലെ കൊളച്ചേരി സർവീസ് ബാങ്ക് ഓഡിറ്റോറിയത്തിൽ നടക്കും. വെൽഫെയർ പാർട്ടി കണ്ണൂർ ജില്ലാ പ്രസിഡന്റ് സാദിഖ് ഉളിയിൽ ഉദ്ഘാടനം ചെയ്യും. സംസ്ഥാന പ്രസിഡന്റ് റസാഖ് പാലേരി സ്നേഹസംഗമത്തിൽ പങ്കെടുക്കും.
പുതുതായി പാർട്ടിയിലേക്ക് വന്നവർക്ക് സ്വീകരണം നൽകും. വ്യാപാരികളെ ആദരിക്കൽ, വിവിധ പരീക്ഷകളിൽ ഉന്നത വിജയം നേടിയ വിദ്യാർഥികളെ അനുമോദിക്കൽ എന്നിവ പരിപാടിയിൽ നടക്കും. പ്രവർത്തക സംഗമത്തിൽ വെൽഫെയർ പാർട്ടി കണ്ണൂർ ജില്ലാ സെക്രട്ടറി സി.കെ മുനവ്വിർ, മുഹമ്മദ് എം.വി, നിഷ്താർ കെ.കെ, നൗഷാദ് ചേലേരി, അഷ്റഫ് പുഷ്പഗിരി, ഇക്ബാൽ തളിപ്പറമ്പ് എന്നിവർ പങ്കെടുക്കും..