കുറ്റ്യാട്ടൂർ :- കുറ്റ്യാട്ടൂർ ശ്രീ ശങ്കര വിദ്യാനികേതന്റെ ആഭിമുഖ്യത്തിൽ വിശ്വഗുരു വേദവ്യാസന്റെ ജന്മദിനം ഗുരുപൂർണിമ വിപുലമായ പരിപാടികളോടെ ആഘോഷിച്ചു. സ്കൂൾ പ്രിൻസിപ്പാൾ എം.സ്നേഹജ ടീച്ചറുടെ അധ്യക്ഷതയിൽ നവോദയ വിദ്യാലയ റിട്ട. പ്രിൻസിപ്പാൾ ഡോ.കെ.ഒ രത്നാകരൻ ഉദ്ഘാടനം ചെയ്തു.
കെ.വി രാജധന്യ ടീച്ചർ ഗുരുപൂജ സന്ദേശം നൽകി. കെ.വി നാരായണൻ മാസ്റ്റർ, റിട്ട.സുബേദാർ മേജർ ടി.വി രാധാകൃഷ്ണൻ, ഗണേശൻ കിളിയളം, രാജീവൻ.കെ, കെ.വി കൃപ ടീച്ചർ തുടങ്ങിയവർ സംസാരിച്ചു. അഗ്നിഹോത്രത്തോടെ ആരംഭിച്ച ചടങ്ങിൽ വിദ്യാർത്ഥികൾ ഗുരുപാദുകാസ്തോത്രം ചൊല്ലി. ഗ്രാമത്തിലെ മുതിർന്ന ഗുരുശ്രേഷ്ഠൻമാരെ ആദരിച്ചു.
