വാട്‌സാപ്പിലെ സ്റ്റാറ്റസ് സെക്ഷനില്‍ പുതിയ നാല് ഫീച്ചറുകള്‍ കൂടി അവതരിപ്പിച്ചു. സ്റ്റാറ്റസ് ഫീച്ചര്‍ കൂടുതല്‍ ആസ്വാദ്യകരമാക്കുന്ന സൗകര്യങ്ങളാണ് അവതരിപ്പിച്ചത്. ഫോട്ടോസ്റ്റിക്കറുകള്‍, ലേ ഔട്ട്‌സ്, ആഡ് യുവേഴ്‌സ്, മോര്‍ വിത്ത് മ്യൂസിക് ഓപ്ഷന്‍ എന്നിവയാണ് അവതരിപ്പിച്ചത്. വരും മാസങ്ങളില്‍ എല്ലാ ഉപഭോക്താക്കള്‍ക്കും ഈ ഫീച്ചറുകള്‍ എത്തുമെന്ന് മെറ്റ അറിയിച്ചു.
ലേ ഔട്ട്‌സ് ഫീച്ചര്‍
ഒന്നിലധികം ചിത്രങ്ങള്‍ കോളാഷുകളായി നിര്‍മിച്ച് പങ്കുവെക്കാന്‍ സഹായിക്കുന്ന ഓപ്ഷനാണിത്. ആറ് ചിത്രങ്ങള്‍ തിരഞ്ഞെടുത്ത് കൊളാഷായി എഡിറ്റ് ചെയ്യാനാവും. യാത്രകളുടേയും ചടങ്ങുകളുടെയും ഒന്നിലധികം ചിത്രങ്ങള്‍ പങ്കുവെക്കാന്‍ ഈ ഫീച്ചര്‍ ഉപയോഗപ്പെടും. ഇന്‍സ്റ്റഗ്രാമിലും ഇതേ ഫീച്ചര്‍ ലഭ്യമാണ്.
മ്യൂസിക് സ്റ്റിക്കറുകള്‍
അടുത്തിടെയാണ് വാട്‌സാപ്പ് സ്റ്റാറ്റസ് പാട്ടുകള്‍ ചേര്‍ക്കാനുള്ള സൗകര്യം എത്തിയത്. പുതിയതായി അവതരിപ്പിച്ച മ്യൂസിക് സ്റ്റിക്കറുകള്‍ വഴി സ്റ്റാറ്റസില്‍ പങ്കുവെക്കുന്ന ചിത്രങ്ങള്‍ക്ക് മേല്‍ മ്യൂസിക് സ്റ്റിക്കറുകള്‍ ഓവര്‍ലേ ആയി വെച്ച് സ്റ്റാറ്റസില്‍.
ഫോട്ടോ സ്റ്റിക്കര്‍
പുതിയ ഫോട്ടോ സ്റ്റിക്കര്‍ ടൂള്‍ ഉപയോഗിച്ച് നിങ്ങളുടെ ഏത് ചിത്രത്തേയും കസ്റ്റമൈസ്ഡ് സ്റ്റിക്കറാക്കി മാറ്റാനാവും. ഈ ചിത്രങ്ങള്‍ ക്രോപ്പ് ചെയ്യാനും റീസൈസ് ചെയ്യാനും മറ്റും സാധിക്കും.
ആഡ് യുവേഴ്‌സ്
ഇന്‍സ്റ്റഗ്രാമിലും ഫെയ്‌സ്ബുക്കിലും വിജയിച്ച ഫീച്ചറുകളിലൊന്നാണിത്. ആഡ് യുവേഴ്‌സ് ഫീച്ചര്‍ ഉപയോഗിച്ച് സ്റ്റാറ്റസില്‍ പങ്കുവെക്കുന്ന ചിത്രങ്ങള്‍ക്ക് മേല്‍ നിങ്ങള്‍ക്കിഷ്ടമുള്ള കാര്യങ്ങളെന്തെങ്കിലും ചേര്‍ക്കാം, ഉദാഹരണത്തിന്, ഏറ്റവും സന്തോഷം നിറഞ്ഞ നിമിഷം, ഏറ്റവും ഇഷ്ടപ്പെട്ട ഭക്ഷണം പോലുള്ള കാപ്ഷനുകള്‍ ആഡ് യുവേഴ്‌സ് ഫീച്ചര്‍ വഴി സ്റ്റാറ്റസില്‍ പങ്കുവെക്കാം. ഇതുവഴി നിങ്ങള്‍ക്ക് നിങ്ങളുടെ സുഹൃത്തുക്കളില്‍ നിന്ന് അവരുടെ ഇഷ്ടപ്പെട്ട ചിത്രങ്ങളും വീഡിയോകളുമായി പ്രതികരണങ്ങള്‍ തേടാം.
