ചേലേരി :- ചേലേരി വാദി രിഫാഈ എഡ്യുക്കേഷണൽ സെന്റർ സംഘടിപ്പിച്ച രിഫാഈ ഗ്രാന്റ് ജൽസയും ദഫ് റാത്തീബും സമാപിച്ചു. രിഫാഈ നഗറിൽ നടന്ന പരിപാടി മുസ്തഫ സഖാഫിയുടെ അദ്ധ്യക്ഷതയിൽ രിഫാഈ ജുമാ മസ്ജിദ് മുദർരിസ് അബ്ദുള്ള സഖാഫി മഞ്ചേരി ഉദ്ഘാടനം ചെയ്തു. മഹ്ളറത്തുൽ ബദ് രിയ്യ സ്വലാത്ത് മജ്ലിസിന് സയ്യിദ് അബ്ദുറഹ്മാൻ ജമലുല്ലൈലി നേതൃത്വം നൽകി. രിഫാഈ ഗ്രാന്റ് ദഫ് റാത്തീബിന് ഖൽഫ അബ്ദുറഷീദ് ദാരിമി, ഖൽഫ, കെ വി യൂസഫ് കെ വി അനസ് എന്നിവർ നേതൃത്വം നൽകി. മുഹമ്മദ് സഅദി അൽ ഹാദി പാപ്പിനിശ്ശേരി,അബ്ദുറഹ്മാൻ ഫാളിൽ മിസ്ബാഹി വെളുത്തപൊയ്യ, മുഹമ്മദ് സൽമാൻ അദനി വെന്നിയൂർ എന്നിവർ രിഫാഈ നശീദ, രിഫാഈ മാല ആലാപനം നിർവ്വഹിച്ചു.
പരിപാടിയുടെ ഭാഗമായി രിഫാഈ ദഫ് റാതീബ് ഇഹ് വാൻസംഗമവും അബ്ദു റസാഖ് മാസ്റ്റർ, അബ്ദുൽ ജലീൽ, നൂറുദ്ദീൻ അനുസ്മരണവും സംഘടിപ്പിച്ചു. ചേലേരി റഫാസ് മഹലിൽ സംഘടിപ്പിച്ച പരിപാടി ഉസ്താദ് കോയ ഉസ്താദ് കോയ കാപ്പാട് വിഷയാവതരണം നടത്തി. ഖൽഫ അബ്ദുറഷീദ് ദാരിമി, ഖൽഫ കെ.വി യൂസഫ്, രിഫാഈ റാത്തീബ് കോഡിനേറ്റർമാരായ യു.കെ അശ്റഫ് ദാലിൽ, അശറഫ് ചേലേരി എന്നിവർ സംസാരിച്ചു. അബ്ദുല്ല സഖാഫി മഞ്ചേരി, പി.ടി അഷ്റഫ് സഖാഫി, പി.മുസ്തഫ സഖാഫി, നിയാസ് കാന്തപുരം, ശംസുദ്ധീൻ ഹിഷാമി, അഹമദ് സഖാഫി, നസീർ സഅദി, സലാം മുസ്ലിയാർ പാട്ടയം, അബ്ദുൽ റഷീദ് പെരുവങ്ങൂർ, എൽ.അർഷാദ്, എന്നിവർ പങ്കെടുത്തു.
