കൊച്ചി :- ശബരിമല ദർശനത്തിനെത്തുന്നവർ പമ്പാനദിയിലും തീരത്തും വസ്ത്രങ്ങൾ ഉപേക്ഷിക്കുന്നത് ആചാരമല്ലെന്നു ഭക്തരെ ബോധ്യപ്പെടുത്തണമെന്നു ഹൈക്കോടതി. ഇത്തരത്തിലുള്ള പ്രവൃത്തികൾ തടയണമെന്നും ജസ്റ്റിസ് വി.രാജ വിജയരാഘവൻ, ജസ്റ്റിസ് കെ.വി ജയകുമാർ എന്നിവരുൾപ്പെട്ട ബെഞ്ച് നിർദേശിച്ചു.
ബോധവൽക്കരണ ദൃശ്യങ്ങൾ പമ്പാതീരത്ത് പ്രദർശിപ്പിക്കണം. ക്യാമറകൾ സ്ഥാപിക്കണം, മൈക്ക് അനൗൺസ്മെന്റുകളും കെഎസ്ആർടിസി ബസുകളിലൂടെ ശബ്ദ സന്ദേശങ്ങളും പ്രചരിപ്പിക്കണമെന്നും ഹൈക്കോടതി പറഞ്ഞു.
