തിരുവനന്തപുരം :- വാതിൽപടി മാലിന്യശേഖരണത്തിനായി വീട്ടിലെത്തിയിരുന്നവർ ഇപ്പോൾ വോട്ടുതേടി വീടുകളിലെത്തുന്നു. കുടുംബശ്രീ ഹരിതകർമ സേനയിൽ അംഗമായ 546 പേർ ഇത്തവണ തദ്ദേശ തിരഞ്ഞെടുപ്പിൽ മത്സരത്തിനിറങ്ങുന്നു. കുടുംബശ്രീയാണ് മത്സരിക്കുന്നവരുടെ കണക്ക് ശേഖരിച്ചത്.
ഏറ്റവും കൂടുതൽ ഹരിതകർമസേനാംഗങ്ങൾ മത്സരിക്കുന്നത് തിരുവനന്തപുരം ജില്ലയിലാണ്- 82 പേർ. 63 സ്‌ഥാനാർഥികളുമായി ആലപ്പുഴ ജില്ലയാണ് രണ്ടാമത്. കൊല്ലം 62, പത്തനംതിട്ട 14, കോട്ടയം 38, ഇടുക്കി 49, എറണാകുളം 43, തൃശൂർ 28, പാലക്കാട് 46, മലപ്പുറം 28, കോഴിക്കോട് 38, വയനാട് 18, കണ്ണൂർ 25, കാസർകോട് 12 എന്നിങ്ങനെയാണ് മത്സരിക്കുന്നവരുടെ എണ്ണം.
