കോഴിക്കോട് :- ഉംറ തീർത്ഥാടനം കഴിഞ്ഞ് മടങ്ങവേ വയോധിക വിമാനത്തിൽ വെച്ച് മരിച്ചു. കോഴിക്കോട് ബാലുശ്ശേരി തലയാട് സ്വദേശിനി കുഞ്ഞിപാത്തുമ്മ (80) ആണ് മരിച്ചത്. പടിക്കൽവയൽ കുന്നുമ്മൽ പരേതനായ മുഹമ്മദിന്റെ ഭാര്യയായിരുന്നു. കഴിഞ്ഞ ദിവസം ഇന്ത്യൻ സമയം പുലർച്ചെയോടെ മദീനയിൽ നിന്നും കോഴിക്കോട്ടേക്കുള്ള യാത്രക്കിടെ എയർ ഇന്ത്യ വിമാനത്തിൽ വെച്ചാണ് മരണം സംഭവിച്ചത്.
തുടർന്ന് വിമാനം മസറ്റ് വിമാനത്താവളത്തിൽ എമർജൻസി ലാന്റിങ് നടത്തി മൃതദേഹം ഇവിടുത്തെ ഹോസ്പിറ്റലിലേക്ക് മാറ്റി. കൂടെ യാത്ര ചെയ്തിരുന്ന മക്കളെ അതേ വിമാനത്തിൽ കോഴിക്കോട്ടേക്ക് യാത്രയാക്കി. മൃതദേഹം നാട്ടിലേക്ക് എത്തിക്കാനുള്ള നടപടിക്രമങ്ങൾ പൂർത്തിയായതായി അധികൃതർ അറിയിച്ചു.
മക്കൾ : മുജീബ്, സുബൈദ, മൈമൂനത്ത്, ലൈല, കൗലത്ത്, മുനീറ.
മരുമക്കൾ : ഹംസ, ബഷീർ, നാസർ, അബൂബക്കർ
