മയ്യിൽ :- കേരളാ സ്റ്റേറ്റ് സർവീസ് പെൻഷനേഴ്സ് യൂണിയൻ മയ്യിൽ ബ്ലോക്ക് വനിതാവേദിയുടെ ആഭിമുഖ്യത്തിൽ കേരളപ്പിറവി ദിനത്തിൽ മലയാളം ശ്രേഷ്ഠ ഭാഷാ ദിനാചരണവും ബ്ലോക്ക് വനിതാ സംഗമവും നടന്നു. ബ്ലോക്ക് പ്രസിഡന്റ് കെ.വി യശോദ ടീച്ചറുടെ അധ്യക്ഷതയിൽ സി.എം രാജീവൻ മാസ്റ്റർ കൂടാളി ഉദ്ഘാടനം ചെയ്തു.
"സ്ത്രീകൾ വീട്ടിൽ മാത്രം ഒതുങ്ങേണ്ടവരല്ല" എന്ന വിഷയത്തിൽ റിട്ടയേഡ് പ്രിൻസിപ്പൽ എൻ എസ് ഡി സി ട്രെയ്നർ എ.സുധാ ബിന്ദു മുഖ്യപ്രഭാഷണം നടത്തി. തുടർന്ന് സംസ്ഥാനകമ്മറ്റി അംഗം ഇ.മുകുന്ദൻ, ബ്ലോക്ക് സെക്രട്ടറി സി.പത്മനാഭൻ, വനിതാവേദി ചെയർ പേഴ്സൻ എം.ജ്യോതി ടീച്ചർ, എന്നിവർ സംസാരിച്ചു. മെമ്പർമാർ അവതരിപ്പിച്ച നൃത്തനൃത്യങ്ങൾ, ഗാനങ്ങൾ, കവിതകൾ എന്നിവയും അരങ്ങേറി. ബ്ലോക്ക് വനിതാവേദികൺവീനർ കെ.കെ ലളിത കുമാറി സ്വാഗതവും എം.കെ പ്രേമി നന്ദിയും പറഞ്ഞു.
