കൊളച്ചേരി:- തദ്ദേശസ്വയംഭരണ സ്ഥാപന തെരഞ്ഞെടുപ്പിന്റെ പ്രചാരണ ഭാഗമായി വോട്ടർമാരെ നേരിൽകണ്ട് വോട്ട് അഭ്യർത്ഥിക്കുന്നതിന് വേണ്ടിയുള്ള കണ്ണൂർ ജില്ലാ പഞ്ചായത്ത് കൊളച്ചേരി ഡിവിഷൻ UDF സ്ഥാനാർത്ഥി മുസ്തഫ കോടിപ്പോയിലിന്റെ നേതൃത്വത്തിലുള്ള റോഡ് ഷോ നാളെ ശനിയാഴ്ച വൈകുന്നേരം 4 മണിക്ക് കമ്പിൽ ടൗണിൽ നിന്ന് ആരംഭിക്കും. തുടർന്ന് പന്ന്യങ്കണ്ടി, കൊളച്ചേരി മുക്ക്, കരിങ്കൽകുഴി, പാമ്പുരുത്തി എന്നിവിടങ്ങളിൽ പര്യടനം നടത്തും. കമ്പിൽ KLIC ഹോസ്പിറ്റൽ പരിസരത്ത് നിന്നും ആരംഭിക്കുന്ന റോഡ് ഷോയിൽ കമ്പിൽ, കൊളച്ചേരി ബ്ലോക്ക് ഡിവിഷൻ സ്ഥാനാർത്ഥികളും കമ്പിൽ, പന്ന്യങ്കണ്ടി, നണിയൂർ, കൊളച്ചേരി, പെരുമാച്ചേരി, കൊളച്ചേരിപ്പറമ്പ്, പാട്ടയം, ചെറുക്കുന്ന്, പാമ്പുരുത്തി വാർഡ് സ്ഥാനാർത്ഥികളും പങ്കെടുക്കുമെന്ന് കൊളച്ചേരി പഞ്ചായത്ത് UDF തെരഞ്ഞെടുപ്പ് കമ്മിറ്റി അറിയിച്ചു
