കോട്ടയം:- ഓടിക്കൊണ്ടിരുന്ന കെ എസ് ആര് ടി സി ബസിന് തീപിടിച്ചു. ബസ് പൂര്ണമായും കത്തി നശിച്ചു. മലപ്പുറത്ത് നിന്നും ഗവിയിലേക്ക് പോയ കെ എസ് ആര് ടി സിയുടെ ഉല്ലാസ യാത്ര ബസാണ് കത്തിയത്.
ബസില് 28 യാത്രക്കാരും ജീവനക്കാരുമാണ് ഉണ്ടായിരുന്നത്. പുലര്ച്ചെ മൂന്നരയോടെ മണിമലയ്ക്ക് സമീപം പഴയിടത്ത് വച്ചാണ് അപകടമുണ്ടായത്. പുക ഉയരുന്നത് കണ്ട് യാത്രക്കാര് ഉടന് പുറത്തിറങ്ങിയതിനാൽ വന് ദുരന്തം ഒഴിവായി.
കാഞ്ഞിരപ്പള്ളിയില് നിന്നും ഫയര് ഫോഴ്സ് യൂണിറ്റ് എത്തിയാണ് തീ അണച്ചത്. മലപ്പുറത്ത് നിന്നും ഗവിയിലേക്ക് പോയി ഉല്ലാസ യാത്ര കഴിഞ്ഞ് മടങ്ങി വരികയായിരുന്നു സംഘം. അപകട കാരണം വ്യക്തമല്ല. യാത്രക്കാരെ മറ്റൊരു ബസില് മലപ്പുറത്തേക്ക് കൊണ്ടുപോയി.
