വളവിൽ ചേലേരി മരുതിയോട്ട് ശ്രീ തോട്ടുംകര ഭഗവതി ക്ഷേത്രം പ്രതിഷ്ഠാദിന നേർച്ച കളിയാട്ട മഹോത്സവം ഇന്നും നാളെയും

ചേലേരി :- വളവിൽ ചേലേരി മരുതിയോട്ട് ശ്രീ തോട്ടുംകര ഭഗവതി ക്ഷേത്രം പ്രതിഷ്ഠാദിന നേർച്ച കളിയാട്ട മഹോത്സവം ജനുവരി 26, 27 (മകരം 12,13)  തീയ്യതികളിൽ നടക്കും. ഇന്ന് ജനുവരി 26 തിങ്കളാഴ്ച ചേലേരി ശ്രീ സുബ്രഹ്മണ്യസ്വാമി ക്ഷേത്രം മേൽശാന്തി അവിനാശ് ഭട്ടിന്റെ മുഖ്യകാർമ്മികത്വത്തിൽ ഗണപതിഹോമവും നാഗസ്ഥാനത്ത് നൂറും പാലും സമർപ്പണവും.

വൈകുന്നേരം 6.30 ന് സന്ധ്യാവേല, 7.30 ന് തോട്ടുങ്കര ഭഗവതിയുടെ തോറ്റം. തുടർന്ന് പ്രസാദസദ്യ. രാത്രിയിൽ 8. 30 ന് ധർമ്മദൈവത്തിന്റെ വെള്ളാട്ടം. ജനുവരി 27 ചൊവ്വാഴ്ച പുലർച്ചെ 2 മണിക്ക് തോട്ടുങ്കര ഭഗവതിയുടെ കൊടിയില തോറ്റം. 4.30 ന് ധർമ്മദൈവത്തിന്റെ പുറപ്പാട്. പുലർച്ചെ 5 മണിക്ക് തോട്ടുങ്കര ഭാഗവതിയുടെ പുറപ്പാട്. രാവിലെ 8 മണിക്ക് വടക്കേംബാവ് കർമ്മത്തോടെ ഉത്സവം സമാപിക്കും.