കൊയ്യം:- പ്രമുഖ മതപണ്ഡിതനും ദീർഘകാലം മുയ്യം ഹൈദ്രോസ് ജുമാ മസ്ജിദ് ഹയാത്തുൽ ഇസ്ലാം മദ്രസ്സയിൽ സദർ മുഅല്ലിമുമായി സേവനമനുഷ്ഠിച്ച കെ.പി. കമാലുദ്ദീൻ മുസ്ലിയാർ കൊയ്യം നിര്യാതനായി.
സുന്നി ജംഇയ്യത്തുൽ മുഅല്ലിമീൻ കണ്ണൂർ ജില്ലാ ട്രഷറർ, അൽമഖർ എക്സിക്യൂട്ടീവ് അംഗം എന്നീ നിലകളിൽ സജീവമായി പ്രവർത്തിച്ചു വരികയായിരുന്നു അദ്ദേഹം. മത-സാമൂഹിക-വിദ്യാഭ്യാസ രംഗങ്ങളിൽ വലിയ സംഭാവനകൾ അർപ്പിച്ച അദ്ദേഹത്തിന്റെ വിയോഗം നാടിനും സമുദായത്തിനും വലിയ തീരാനഷ്ടമാണ്.
