കണ്ണപുരം :- കണ്ണപുരത്ത് ഓട്ടോഡ്രൈവർ കുഴഞ്ഞുവീണു മരിച്ചു. പുന്നച്ചേരി മുട്ടം റോഡ് ഓട്ടോ സ്റ്റാൻ്റിലെ ഓട്ടോഡ്രൈവർ താവം പള്ളിക്കരയിലെ ലീലാലയത്തിൽ ഇ.നികേഷ് (48) ആണ് മരണപ്പെട്ടത്. പരേതനായ ബാലകൃഷ്ണൻ്റെയും സരോജിനിയുടേയും മകനാണ്.
ഇന്നലെ വൈകുന്നേരം അമ്മ സരോജിനിക്കൊപ്പം പുന്നച്ചേരിയിലെ ബേങ്കിലേക്ക് ഓട്ടോയുമായി വന്നതായിരുന്നു. അമ്മ ബേങ്കിലേക്ക് കയറിപ്പോൾ ഓട്ടോയുമായി കാത്തിരിക്കുന്നതിനിടെ ദേഹാസ്വാസ്ഥ്യത്തെ തുടർന്ന് നികേഷ് കുഴഞ്ഞുവീഴുകയായിരുന്നു. ഉടൻ നാട്ടുകാർ സമീപത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കണ്ണപുരം പോലീസ് മൃതദ്ദേഹം ഇൻക്വസ്റ്റ് നടത്തി.
ഭാര്യ : മീറ
മകൻ: അഷ്മിത് (വിദ്യാർത്ഥി)
സഹോദരങ്ങൾ : അനിൽകുമാർ, രാജേഷ്
