പെരുമാച്ചേരി :- പെരുമാച്ചേരി കള്ള് ഷാപ്പിന് മുൻവശത്തെ ഔവുചാലിൽ വെള്ളം കെട്ടിക്കിടക്കുന്നത് പ്രദേശവാസികൾക്ക് ബുദ്ധിമുട്ടാകുന്നു. ശരിയായ നീരൊഴുക്കില്ലാതെ ചളിനിറഞ്ഞ വെള്ളം റോഡരികിലെ ഓടയിൽ കെട്ടിക്കിടകുകയാണ്.
മഴക്കാലം ശക്തമായതോടെ നിലവിൽ പലതരത്തിലുള്ള പകർച്ചവ്യാധി രോഗങ്ങളും പടർന്നുപിടിക്കുന്ന സാഹചര്യത്തിൽ ആശങ്കയിലാണ് നാട്ടുകാർ. പകർച്ചവ്യാധികൾ പടർന്നുപിടിക്കുന്നതിന് മുൻപ് തന്നെ ബന്ധപ്പെട്ട അധികൃതർ ഈ വിഷയത്തിൽ അടിയന്തരമായി ഇടപെടണമെന്നും ഔവുചാൽ ശുചീകരിച്ച് വെള്ളം സുഗമമായി ഒഴുക്കിവിടാൻ ആവശ്യമായ നടപടികൾ സ്വീകരിക്കണമെന്നുമാണ് നാട്ടുകാരുടെ ആവശ്യം.
