കുറ്റ്യാട്ടൂർ :- കഴിഞ്ഞദിവസമുണ്ടായ വാഹനാപകടത്തിൽ മരണപ്പെട്ട കുറ്റ്യാട്ടൂർ പഴശ്ശിയിലെ വി.കെ ദിനിലിന്റെ ഭൗതിക ശരീരം ഇന്ന് ജൂലൈ 11 ശനിയാഴ്ച വൈകുന്നേരം 3.30 മുതൽ 5.30 വരെ പഴശ്ശി സോപാനം കലാ-കായിക വേദി വായനശാല & ഗ്രന്ഥാലത്തിൽ പൊതുദർശനത്തിന് വയ്ക്കും. തുടർന്ന് മൃതദേഹം വായക്കച്ചാലിലെ വീട്ടിൽ എത്തിക്കും. രാത്രി 7.30 ഓടെ കുറ്റ്യാട്ടൂർ പൊറോളം ശാന്തിവനത്തിൽ സംസ്കാര ചടങ്ങുകൾ നടക്കും.
നാറാത്ത് ആലിങ്കീഴിൽ ചെറുവാക്കര ഗവ. എൽ.പി. സ്കൂളിനു മുന്നിൽ വെച്ചാണ് വെള്ളിയാഴ്ച വൈകുന്നേരം 6 മണിയോടെ അപകടം നടന്നത്. കുറ്റ്യാട്ടൂരിൽ നിന്ന് പുതിയതെരു ഭാഗത്തേക്ക് പോവുകയായിരുന്ന ദിനിലിന്റെ ബൈക്കും എതിരെ വന്ന സ്കൂട്ടറുമാണ് അപകടത്തിൽപ്പെട്ടത്. അപകടത്തിൽ ഗുരുതരമായി പരിക്കേറ്റ ദിനിലിനെ ആശുപത്രിയിലേക്ക് കൊണ്ടുപോകും വഴിയാണ് മരണം സംഭവിച്ചത്. ചെങ്കൽ ലോറി ജീവനക്കാരനാണ് മരിച്ച ദിനിൽ.
