ചേലേരി :- ചേലേരി എ.യു.പി സ്കൂളിൽ മാതൃഭൂമി സീഡ് ക്ലബ്ബ് സീഡ് പോലീസ് യൂണിഫോം പ്രകാശനം ചെയ്തു. മാതൃഭൂമി സീഡ് എക്സിക്യൂട്ടീവ് ബിജിഷ ബാലകൃഷ്ണൻ പ്രകാശനം നിർവഹിച്ചു. പ്രധാനാധ്യാപിക എ.അജിത, എം.സുജിത്ത് മാസ്റ്റർ, പി.ടി.എ പ്രസിഡന്റ് പി.വേലായുധൻ, കെ.കലേഷ്, സ്കൂൾ സീഡ് കോ-ഓർഡിനേറ്റർ മാധവ് മാസ്റ്റർ എന്നിവർ സംസാരിച്ചു.
സീഡ് പോലീസ് അംഗങ്ങൾ പരിസ്ഥിതി സംരക്ഷണം, ശുചിത്വം തുടങ്ങിയ മേഖലകളിൽ വിവിധ പ്രവർത്തനങ്ങൾക്ക് നേതൃത്വം നൽകും. വിദ്യാർത്ഥികളിൽ പരിസ്ഥിതി സംരക്ഷണ ബോധവും സാമൂഹിക ഉത്തരവാദിത്തവും വളർത്തുന്നതിനും പ്രകൃതിയോടുള്ള സ്നേഹവും കരുതലും പ്രോത്സാഹിപ്പിക്കുന്നതിനുമാണ് സീഡ് പോലീസ് പ്രവർത്തനങ്ങൾക്ക് തുടക്കം കുറിച്ചത്.
