പാമ്പുരുത്തി: ചരിത്ര പ്രസിദ്ധമായ പാമ്പുരുത്തി പള്ളി നേർച്ച ഉറൂസിനു (നാളെ) വെള്ളിയാഴ്ച ജുമുഅക്ക് ശേഷം മഹല്ല് ഖാസി സയ്യിദ് അഹ്മദ് ജലാലുദ്ദീൻ ബുഖാരി തങ്ങൾ വളപട്ടണം പതാക ഉയർത്തലോടെ തുടക്കമാവും.
രാത്രി എട്ടു മണിക്ക് നടക്കുന്ന ഉദ്ഘാടന സമ്മേളനം പാമ്പുരുത്തി മുസ്ലിം ജമാ അത്ത് കമ്മിറ്റി പ്രസിഡന്റ് കെ പി അബ്ദുൽ സലാമിന്റെ അധ്യക്ഷതയിൽ മഹല്ല് ഉപദേശക ബോർഡ് ചെയർമാൻ കെ.പി.മുഹമ്മദലി ദാരിമി ഉദ്ഘാടനം ചെയ്യും.
മഹല്ല് ഖത്തീബ് അബ്ദുൽ വാരിസ് ദാരിമി കീഴിശ്ശേരി മുഖ്യ പ്രഭാഷണം നിർവ്വഹിക്കും. മഹല്ല് ഉപദേശക ബോർഡ് കൺവീനർ എം. മമ്മു മാസ്റ്റർ, അഹമ്മദ് കമറുദ്ദീൻ മുസ്ല്യാർ അരിയിൽ, മൻസൂർ പാമ്പുരുത്തി, എം മുസ്തഫ ഹാജി, പി കമാൽ, എം ആദം, വി.പി. റഫീഖ് എം. അനീസ് മാസ്റ്റർ, എം എം അമീർ ദാരിമി പ്രസംഗിക്കും. പാമ്പുരുത്തി മദ്രസാ നൂറേ ത്വൈബ സംഘം അവതരിപ്പിക്കുന്ന ബുർദ്ദാ മജ് ലിസും നടക്കും. ശനിയാഴ്ച രാത്രി സുബൈർ തോട്ടിക്കൽ & പാർട്ടിയുടെ കഥാ പ്രസംഗവും മദ്റസ വിദ്യാർത്ഥികളുടെ ദഫ് പ്രദർശനവും നടക്കും. ഞായറാഴ്ച പകൽ ഒരു മണിക്ക് മൗലിദ് പാരായണവും അന്നദാനവും, രാത്രി ഇശ്ഖിൻ പ്രകീർത്തന സദസ്സും ഉമർ നദ്‌വി തോട്ടിക്കലിന്റെ മത പ്രഭാഷണവും നടക്കും. തുടർന്ന് സയ്യിദ് മഹ്മൂദ് സഫ് വാൻ കോയ തങ്ങൾ ഏഴിമലയുടെ നേതൃത്വത്തിൽ നടക്കുന്ന ദിക്ർ ദുആ മജ്ലിസോടെ ഉറൂസ് സമാപിക്കും.
കൊവിഡ് ലോക്ക് ഡൗൺ സാഹചര്യമായതിനാൽ ഇത്തവണ വിപണന ചന്തകൾക്ക് അനുവാദമില്ലെന്ന് പാമ്പുരുത്തി മുസ്ലിം ജമാഅത്ത് കമ്മിറ്റി അറിയിച്ചു.
