തിരുവനന്തപുരം:- രാജ്യത്തെ ട്രെയിന്‍ സര്‍വീസുകള്‍ പുനരാരംഭിക്കുന്നതിന്റെ ഭാഗമായി ജനശതാബ്ദി, ഇന്റര്‍സിറ്റി ട്രെയിനുകള്‍ നാളെ മുതല്‍ ഓടി തുടങ്ങുമെന്ന് റെയില്‍വേ അറിയിച്ചു. കൊവിഡ് അനിയന്ത്രിതമായി വ്യാപിച്ചതിനെ തുടര്‍ന്ന് ട്രെയില്‍ സര്‍വീസുകള്‍ എല്ലാം തന്നെ നിര്‍ത്തിവച്ചിരിക്കുകയായിരുന്നു. ഇവ ഘട്ടം ഘട്ടമായി തുടങ്ങനാണ് റെയില്‍വേ പദ്ധതി.
നാളെ മുതല്‍ ചെന്നൈയില്‍ നിന്നുമുള്ള നാലു പ്രത്യേക ട്രെയിനുകള്‍ കേരളത്തിലേക്ക് സര്‍വീസ് നടത്തും. ദിവസേനയുള്ള ചെന്നൈ-മംഗളൂരു എക്‌സ്പ്രസ് (02685, 02686), ചെന്നൈ-മംഗളൂരു വെസ്റ്റ്കോസ്റ്റ് എക്‌സ്പ്രസ് (06627, 06628), ചെന്നൈ-ആലപ്പുഴ എക്‌സ്പ്രസ് (02639,02640), (02639,02640), ചെന്നൈ-തിരുവനന്തപുരം എക്‌സ്പ്രസ് (02695,02696) എന്നീ ട്രെയിനുകളും, ഞായറാഴ്ചകളില്‍ ഓടുന്ന ചെന്നൈ- തിരുവനന്തപുരം എക്‌സ്പ്രസുമാണ് (02697,02698) ഒരിടവേളയ്ക്കു ശേഷം സര്‍വീസ് പുനരാരംഭിക്കുന്നത്.
ജൂണ്‍ 15 വരെ നിര്‍ത്തലാക്കിയിരുന്ന ഈ തീവണ്ടികളിലേക്കുള്ള റിസര്‍വേഷന്‍ ആരംഭിച്ചിട്ടുണ്ടെന്ന് റയില്‍വേ അറിയിച്ചു.
