കണ്ണൂർ :- സർക്കാറിന്റെ ജനവിരുദ്ധ നയങ്ങൾ മൂലം കഷ്ടതയനുഭവിക്കുന്ന ജനങ്ങളോടൊപ്പം പ്രശ്നങ്ങൾ വിലയിരുത്താനും ആശങ്കകൾ പങ്കുവെയ്ക്കാനും പ്രതിരോധ നടപടികൾ സ്വീകരിക്കുന്നതിനും വേണ്ടി കെ സുധാകരൻ എം.പി സംഘടിപ്പിക്കുന്ന "മുഖാമുഖം " പരിപാടി 12 ന് കണ്ണൂരിൽ നടക്കും.
നവംബർ 12-ന് കണ്ണൂർ നോർത്ത് മലബാർ ചേംമ്പർ ഓഫ് കൊമേഴ്സ് ഹാളിൽ രാവിലെ 10 മുതൽ 12 വരെയാണ് പരിപാടി.
കെ റയിൽ, ജലപാത, അശാസ്ത്രീയമായ തെക്കീ ബസാർ ഫ്ലൈഓവർ നിർമ്മാണം തുടങ്ങിയ ജനങ്ങളെ ആശങ്കയിലാക്കിയ ഗുരുതരമായ ജനവിരുദ്ധ നടപടിയെകുറിച്ചുള്ള പൊതുജനങ്ങളുടെ പരാതികൾ മുഖാമുഖം പരിപാടിയിൽ സ്വീകരിക്കുമെന്നും കെ.സുധാകരൻ എം.പിയുടെ ഓഫീസിൽ നിന്നും വാർത്താ കുറിപ്പിൽ അറിയിച്ചു.
