ചേലേരി : ഇന്ത്യൻ നാഷണൽ കോൺഗ്രസ്സ് 138-ാം ജന്മദിനം ചേലേരി മണ്ഡലം കോൺഗ്രസ്സ് കമ്മറ്റിയുടെ നേതൃത്വത്തിൽ വിപുലമായി ആഘോഷിച്ചു.
രാവിലെ ചേലേരിമുക്ക് അബ്ദുറഹിമാൻ സ്മാരക മന്ദിരത്തിൽ പതാക ഉയർത്തി തുടർന്ന് ജന്മദിന കേക്ക് മുറിച്ചു. ആഘോഷ പരിപാടികൾ മണ്ഡലം പ്രസിഡണ്ട് എൻ.വി.പ്രേമാനന്ദൻ്റെ അദ്ധ്യക്ഷതയിൽ ഡി.സി.സി.മെമ്പർ ശ്രീ എം.അനന്തൻ മാസ്റ്റർ ഉദ്ഘാടനം ചെയ്തു.
ഇന്ത്യൻ നാഷണൽ കോൺഗ്രസ്സിൻ്റെ ചരിത്രങ്ങളും പ്രാധാന്യങ്ങളെയും കുറച്ച് ദളിത് കോൺഗ്രസ്സ് സംസ്ഥാന സെക്രട്ടറി ശ്രീ ദാമോദരൻ കൊയിലേരിയൻ പ്രഭാഷണം നടത്തി. ബ്ലോക്ക് വൈസ് പ്രസിഡണ്ട് കെ.വി.പ്രഭാകരൻ, ബ്ലോക്ക് സെക്രട്ടറി പി.കെ.രഘുനാഥൻ, മണ്ഡലം വൈസ് പ്രസിഡണ്ട് കെ.മുരളീധരൻ മാസ്റ്റർ, യൂത്ത് കോൺഗ്രസ്സ് ജില്ലാ കമ്മിറ്റിയംഗം യഹിയ പള്ളിപ്പറമ്പ് എന്നിവർ സംസാരിച്ചു. മണ്ഡലം സിക്രട്ടറി ഇ.പി.മുരളീധരൻ സ്വാഗതവും സെക്രട്ടറി എം.സി.അയിലേഷ് നന്ദിയും പറഞ്ഞു. പരിപാടികളിൽ മണ്ഡലം ഭാരവാഹികൾ, ബൂത്ത് ഭാരവാഹികൾ, CUC ഭാരവാഹികൾ ഉൾപ്പെടെ ഒട്ടേറെ പേർ പങ്കെടുത്തു.
