നാറാത്ത് : നാറാത്ത് പഞ്ചായത്ത് 2022-2023 വാർഷിക പദ്ധതികളായ ഭിന്നശേഷിക്കാർക്കുള്ള ഉപകരണവിതരണം വയോജനങ്ങൾക്കുള്ള സഹായ ഉപകരണം എന്നിവയുടെ ഭാഗമായി തിരഞ്ഞെടുക്കപ്പെട്ട ഗുണഭോക്താക്കൾക്കുള്ള ഉപകരണ വിതരണത്തിന്റെ ഉദ്ഘാടനം നാറാത്ത് ഗ്രാമ പഞ്ചായത്ത് പ്രസിഡണ്ട് കെ.രമേശൻ നിർവ്വഹിച്ചു. ചടങ്ങിൽ ക്ഷേമ കാര്യ സ്റ്റാന്റിംഗ് കമ്മിറ്റി ചെയർപേഴ്സൺ വി.ഗിരിജ അദ്ധ്യക്ഷത വഹിച്ചു.
ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ .എൻ മുസ്തഫ , മെമ്പർ പി.കെ ജയകുമാർ തുടങ്ങിയവർ ആശംസയർപ്പിച്ച് സംസാരിച്ചു. ഐ സി ഡി എസ് സൂപ്പർവൈസർ റസീല കെ. എൻ സ്വാഗതവും ജംഷീർ കെ.വി നന്ദിയും പറഞ്ഞു.
