മയ്യിൽ : കുട്ടികളിൽ നാടൻ ഭക്ഷണങ്ങളുടെ ഉപയോഗം പ്രോത്സാഹിപ്പിക്കുക, കൃത്രിമ രാസവസ്തുക്കൾ ഉപയോഗിച്ചുള്ള ഭക്ഷണപദാർത്ഥങ്ങൾ നിരുത്സാഹപ്പെടുത്തുക എന്നിവ ലക്ഷ്യമിട്ട് കയരളം നോർത്ത് എ.എൽ.പി. സ്കൂളിൽ രണ്ടാം ക്ലാസ് വിദ്യാർഥികളുടെ നേതൃത്വത്തിൽ 'നൂട്രീഷ്യസ് അവൽ മിക്സ്' ഭക്ഷ്യമേള സംഘടിപ്പിച്ചു. പി ടി എ പ്രസിഡന്റ് ടി പി പ്രശാന്ത് ഉദ്ഘാടനം ചെയ്തു. പ്രധാനധ്യാപിക എം ഗീത അധ്യക്ഷത വഹിച്ചു. എ ഒ ജീജ, വി സി മുജീബ്, എം പി നവ്യ, കെ വൈശാഖ് എന്നിവർ സംസാരിച്ചു. കെ പി ഷഹീമ, ശ്യാമള എന്നിവർ നേതൃത്വം നൽകി. കുട്ടികളുടെ നേതൃത്വത്തിൽ അവൽ വിഭവങ്ങൾ തയ്യാറാക്കി. രണ്ടാം തരത്തിലെ പാഠഭാഗവുമായി ബന്ധപ്പെടുത്തിയാണ് പരിപാടി സംഘടിപ്പിച്ചത്.
