ചേലേരി:-വിദ്വേഷത്തിനെതിരെ, ദുർഭരണത്തിനെതിരെയുവത- ധാർമികത- രാഷ്ട്രീയം എന്ന പ്രമേയത്തിൽ ശാഖാ ശാക്തീകരണം ലക്ഷ്യമിട്ട് തളിപ്പറമ്പ് മണ്ഡലം മുസ്ലിം യൂത്ത് ലീഗ് കമ്മിറ്റിയുടെ ആഭിമുഖ്യത്തിൽ 2023 മെയ്‌ 7 മുതൽ ജൂലായ് 31വരെ നടക്കുന്ന യൂണിറ്റ് അസംബ്ലി കൊളച്ചേരി പഞ്ചായത്തിലെ നൂഞ്ഞേരി ശാഖയിൽ നടന്നു. യൂത്ത് ലീഗ് ശാഖാ പ്രസിഡണ്ട് കെ അബൂബക്കറിന്റെ അധ്യക്ഷതയിൽ
കൊളച്ചേരി പഞ്ചായത്ത് മുസ്ലിം ലീഗ് വൈസ് പ്രസിഡണ്ട് കെ ശാഹുൽ ഹമീദ് ഉദ്ഘാടനം ചെയ്തു. യൂത്ത് ലീഗ് തളിപ്പറമ്പ് നിയോജക മണ്ഡലം ജനറൽ സെക്രട്ടറി എൻ.യു. ശഫീഖ് മാസ്റ്റർ പ്രമേയ പ്രഭാഷണവും യൂണിറ്റ് അവലോകനവും നടത്തി. മുസ്ലിം യൂത്ത് ലീഗ് പഞ്ചായത്ത് പ്രസിഡണ്ട് മൻസൂർ പാമ്പുരുത്തി പ്രതിജ്ഞ ചൊല്ലി ക്കൊടുത്തു. പഞ്ചായത്ത് മുസ്ലിം ലീഗ് സെക്രട്ടറി അന്തായി ചേലേരി, യൂത്ത് ലീഗ് പഞ്ചായത്ത് ജനറൽ സെക്രട്ടറി ജാബിർ പാട്ടയം, മുസ്ലിം ലീഗ് ശാഖ പ്രസിഡണ്ട് വി.പി ഫരീദ്, ജനറൽ സെക്രട്ടറി സി.എച്ച് ഖിളർ, ട്രഷറർ പി.കെ റസാഖ്, വൈസ് പ്രസിഡണ്ട് കെ അബ്ദുള്ള, സെക്രട്ടറി വി.സി അശ്രഫ് സന്നിഹിതരായിരുന്നു
ചടങ്ങിൽ പഞ്ചായത്ത് യൂത്ത് ലീഗ് ട്രഷറർ സി.എം.കെ ജമാൽ സ്വാഗതവും കെ അഫ്സൽ നന്ദിയുംപറഞ്ഞു
