പരിയാരം :- പരിയാരം ദേശീയപാതയിൽ ഏമ്പേറ്റിൽ സ്വകാര്യ ബസും പാർസൽ വാനും കൂട്ടിയിടിച്ച് 26 പേർക്ക് പരിക്കേറ്റു. ഇന്ന് രാവിലെ 9.50 ഓടെയായിരുന്നു അപകടം. മാതമംഗലത്ത് നിന്ന് തളിപ്പറമ്പിലേക്ക് പോകുകയായിരുന്ന തവക്കൽ ബസും പയ്യന്നൂർ ഭാഗത്തേക്കുള്ള പാർസൽ വാനുമാണ് കൂട്ടിയിടിച്ചത്. പരിക്കേറ്റവരെയെല്ലാം പരിയാരത്തെ ഗവ.മെഡിക്കൽ കോളേജിൽ പ്രവേശിപ്പിച്ചു. വിവരമറിഞ്ഞ് പരിയാരം പോലീസ് സ്ഥലത്തെത്തിയാണ് പരിക്കേറ്റവരെ ആശുപത്രിയിലെത്തിച്ചത്. ആരുടെയും പരിക്ക് ഗുരുതരമല്ല.
