മയ്യിൽ : കണ്ടക്കൈ എ.എൽ.പി സ്കൂൾ (കൊളാപ്പറമ്പ്) മദർ പി ടി എ യുടെ ആഭിമുഖ്യത്തിൽ മയ്യിൽ ബി ആർ സി യുടെ സഹകരണത്തോടെ ഒന്നു മുതൽ നാലാം ക്ലാസ് വരെയുള്ള വിദ്യാർത്ഥികളുടെ രക്ഷിതാക്കൾക്കായി പഠനോപകരണ നിർമ്മാണ ശിൽപ്പശാല സംഘടിപ്പിച്ചു.
മദർ പി ടി എ പ്രസിഡണ്ട് എൻ.കെ സൗമ്യയുടെ അധ്യക്ഷതയിൽ ഗ്രാമപഞ്ചായത്ത് അംഗം കെ.വി സതി ഉദ്ഘാടനം നിർവ്വഹിച്ചു. സി.ആർ.സി കോ-ഓർഡിനേറ്റർ സി.കെ രേഷ്മ, സി.വിനോദ് എന്നിവർ ശിൽപ്പശാലക്ക് നേതൃത്വം നൽകി. എം.പി രാജൻ, ടി.പുരുഷോത്തമൻ എന്നിവർ സംസാരിച്ചു.
