ചേലേരി :- ചേലേരി ചന്ദ്രോത്ത്കണ്ടി മടപ്പുരക്ക് സമീപം താമസിക്കുന്ന ഇ.പി അനിൽകുമാറിന്റെ ചികിത്സാർത്ഥം സേവാഭാരതി കൊളച്ചേരി യൂണിറ്റ് സപ്തംബർ പതിനേഴ് മുതൽ സുമനസുകളിൽ നിന്നും സ്വരൂപിച്ച 66,900/- രൂപ അനിൽകുമാറിന്റെ ഭാര്യ നിഷയ്ക്ക് സേവാഭാരതി കൊളച്ചേരി യൂണിറ്റ് പ്രസിഡന്റ് ഒ.പ്രശാന്തൻ, സെക്രട്ടറി കെ.രാജീവൻ എന്നിവർ ചേർന്ന് കൈമാറി.
ചടങ്ങിൽ സേവാഭാരതി ഭാരവാഹികൾക്കൊപ്പം മാതൃസമിതി അംഗങ്ങളായ ഷീബ പുരുഷോത്തമൻ തെക്കേക്കര, ജീഷ്മ പ്രകാശൻ തെക്കേക്കര, സുഭിഷ ജിതേഷ് ചേലേരി എന്നിവരും പങ്കെടുത്തു.
