പത്തനംതിട്ട :- മണ്ഡലപൂജകൾക്കായി ശബരിമല ക്ഷേത്രനട വ്യാഴാഴ്ച വൈകീട്ട് അഞ്ചിന് തുറക്കും. തുടർന്നുള്ള ദിവസങ്ങളിൽ പുലർച്ചെ നാലിന് തുറക്കുന്ന നട ഉച്ചയ്ക്ക് ഒന്നിന് അടയ്ക്കും.
വൈകീട്ട് നാലിന് വീണ്ടും തുറന്നശേഷം രാത്രി 11-ന് അടയ്ക്കും. മണ്ഡലപൂജ ഡിസംബർ 27-ന് നടക്കും. പൂജകൾ പൂർത്തിയാക്കി അന്ന് രാത്രി 11-ന് ഹരിവരാസനം പാടി നട അടയ്ക്കും. പിന്നീട് മകരവിളക്ക് തീർഥാടനത്തിന് ഡിസംബർ 30-നാണ് നട തുറക്കുക. മകരവിളക്ക് 2024 ജനുവരി 15-നാണ്.
