പെരളശ്ശേരി സുബ്രഹ്മണ്യസ്വാമി ക്ഷേത്രോത്സവത്തിന് ഡിസംബർ 20-ന് കൊടിയേറും

പെരളശ്ശേരി :- പെരളശ്ശേരി സുബ്രഹ്മണ്യസ്വാമി ക്ഷേത്രോത്സവം ഡിസംബർ 20 മുതൽ 27 വരെ നടക്കും. ഡിസംബർ 20-ന് രാത്രി എട്ടിന് ക്ഷേത്രം തന്ത്രി ഇരുവേശ്ശി പുടവരില്ലത്ത് ഹരിജയന്തൻ നമ്പൂതിരിപ്പാടിൻ്റെ മുഖ്യ കാർമികത്വത്തിലാണ് കൊടിയേറ്റം. തുടർന്ന് കേളി, നൃത്തനൃത്യങ്ങൾ എന്നിവയുണ്ടാകും.

ഡിസംബർ 21 മുതൽ 26 വരെയുള്ള ദിവസങ്ങളിൽ രാവിലെ 6.30-ന് മേളത്തോടുകൂടി ആനപ്പുറത്ത് എഴുന്നള്ളത്ത്, നാദസ്വരം, ഓട്ടൻതുള്ളൽ, ഉച്ചയ്ക്ക് അന്നദാനം, ചാക്യാർകൂത്ത്, വൈകിട്ട് തായമ്പക, കേളി, കൊമ്പുപറ്റ്, കാഴ്ചശീവേലി, പഞ്ചവാദ്യത്തോടും നാദസ്വരത്തോടും കൂടി ആനപ്പുറത്ത് എഴുന്നള്ളത്ത്, രാത്രിയിൽ തിടമ്പുനൃത്തം എന്നിവ നടക്കും.

ഡിസംബർ 21-ന് രാത്രി 9.30-ന് ഭക്തിഗാന സുധ, 22-ന് രാത്രി 9.30-ന് കോട്ടക്കൽ പി.എസ്.വി നാട്യസംഘത്തിൻ്റെ കഥകളി, 23-ന് രാത്രി 9.30 മുതൽ നൃത്തമഞ്ജരി. 24-ന് രാത്രി 9.30-ന് നൃത്തനൃത്യങ്ങൾ, 25-ന് രാത്രി 9.30-ന് സംഗീതാർച്ചന, 27- ന് രാവിലെ എട്ടിന് ക്ഷേത്രക്കുളത്തിൽ ആറാട്ട്, നാദസ്വരം, മേളം എന്നിവയോടുകൂടി തിരിച്ചെഴുന്നള്ളത്ത്, കൊടിയിറക്കൽ, ആറാട്ടു സദ്യ എന്നിവയുണ്ടാകും.