കാഞ്ഞിരത്തറ :- കാഞ്ഞിരത്തറ ശില്പി ആർട്സ് സെന്ററിന്റെ 44 ആം വാർഷികാഘോഷം ജനുവരി 5,6, 7 തീയതികളിൽ നടക്കും. ജനുവരി 5 വെള്ളിയാഴ്ച രാത്രി 7 മണിക്ക് കെ.വി സുമേഷ് എം.എൽ.എ ഉദ്ഘാടനം ചെയ്യും. 8 മണിക്ക് തിരുവനന്തപുരം അക്ഷര ക്രിയേഷൻസ് അവതരിപ്പിക്കുന്ന നാടകം "ഇടം" അരങ്ങേറും. ജനുവരി 6 ശനിയാഴ്ച രാത്രി 7 മണിക്ക് ഗ്രാമോത്സവം ചിറക്കൽ ഗ്രാമപഞ്ചായത്ത് പ്രസിഡൻ്റ് പി.ശ്രുതി ഉഘാടനം ചെയ്യും. തിരുവാതിര, കൈകൊട്ടികളി തുടങ്ങിയ കലാപരിപാടികളും രാത്രി 8 മണിക്ക് ശില്പി ആർട്സ് സെന്ററിലെ വിദ്യാർത്ഥിനികൾ അവതരിപ്പിക്കുന്ന നൃത്തനൃത്തങ്ങളും അരങ്ങേറും.
ജനുവരി 7 ഞായറാഴ്ച രാത്രി 7 മണിക്ക് സാംസ്കാരിക സമ്മേളനം അസിസ്റ്റൻ്റ് ഡയറക്ടർ കേരള ഭാഷ ഇൻസ്റ്റിറ്റ്യൂട്ട് Dr. ജിനേഷ് കുമാർ എരമം ഉദ്ഘാടനം ചെയ്ത് പ്രഭാഷണം നടത്തും. രാത്രി 8 മണിക്ക് കൊച്ചിൻ ചന്ദ്രകാന്ത അവതരിപ്പിക്കുന്ന നാടകം " നത്ത് മത്തൻ ഒന്നാം സാക്ഷി".
