എറണാകുളം : സംസ്ഥാനത്ത് ഇന്ന് മുതൽ നഗരസഭ സേവനങ്ങൾ ഓൺലൈൻ ആയി. കെ സ്മാർട്ട്‌ അപ്പ് മലയാളികൾക്ക് ആയി സംസ്ഥാന സർക്കാരിന്‍റെ പുതുവത്സര സമ്മാനമെന്ന് മന്ത്രി എം.ബി രാജേഷ് പറഞ്ഞു. ഏപ്രിൽ മുതൽ പഞ്ചായത്ത്‌ സേവനങ്ങളും ഓൺലൈൻ ആകും. ജനന മരണ വിവാഹ രെജിസ്ട്രേഷൻ വരെ എല്ലാ സേവനങ്ങളും ഓൺലൈൻ ആകും. രാജ്യത്ത് ആദ്യം ആയാണ് തദ്ദേശ സ്ഥാപനങ്ങളുടെ സേവനങ്ങൾ ഓൺലൈൻ ആക്കാനുള്ള ശ്രമം.വിപ്ലവകരമായ മാറ്റം ആണ്‌ കെ സ്മാർട്ട്‌. ഓഫീസുകൾ കയറി ഇറങ്ങി മടുത്തു എന്ന് ഇനി കേൾക്കേണ്ടി വരില്ല. സുതാര്യവും അഴിമതി രഹിതവും ആയ സംവിധാനങ്ങൾ ആണ്‌ വരുന്നതെന്നും അദ്ദേഹം പറഞ്ഞു.
കൊച്ചിയില്‍ നടന്ന ചടങ്ങില്‍ മുഖ്യമന്ത്രി പിണറായി വിജയനാണ് കെ സ്മാര്‍ട് ആപ് ഉദ്ഘാടനം ചെയ്തത്. സാങ്കേതിക വിദ്യയിൽ രാജ്യത്തിന് എന്നും വഴികാട്ടി ആണ്‌ കേരളം .തദ്ദേശ സ്ഥാപനങ്ങളുടെ സേവനങ്ങൾ ഇനി ഒറ്റ ആപ്പിൽ ജനങ്ങളിലേക്ക് കൂടുതൽ ഇറങ്ങി ചെല്ലുന്നു.കെ സ്മാർട്ട്‌ ഒരു സുവർണ അവസരമാണെന്നും മുഖ്യമന്ത്രി പറഞ്ഞു.
