കണ്ണാടിപ്പറമ്പ് :- കണ്ണാടിപ്പറമ്പ് ധർമ്മശാസ്താ ക്ഷേത്രത്തിലെ ഉത്രവിളക്ക് ഉത്സവം നാളെ മാർച്ച്‌ 23 മുതൽ 31 വരെ നടക്കും. മാർച്ച്‌ 23-ന് വൈകിട്ട് 5.30-ന് നിടുവാട്ട് മഹല്ല് ജുമാമസ്‌ജിദ് ഭാരവാഹികളുടെ നേതൃത്വത്തിൽ പഞ്ചസാരക്കുടം സമർപ്പണവും തുടർന്ന് കൊടിയേറ്റവും നടക്കും. ക്ഷേത്രം തന്ത്രി കരുമാരത്തില്ലത്ത് പരമേശ്വരൻ നമ്പൂതിരിപ്പാട് മുഖ്യകാർമികത്വം വഹിക്കും. രാത്രി 7.30-ന് സാംസ്ക്കാരിക സദസ്സ് തെയ്യം ആചാര്യൻ ഇ.പി നാരായണ പെരുവണ്ണാൻ ഉദ്ഘാടനം ചെയ്യും.
മാർച്ച്‌ 24-ന് രാത്രി 7.30-ന് കരോക്കെ ഗാനമേള, തുടർന്ന് നാട്ടിലെ പാട്ട്. മാർച്ച്‌ 25-ന് രാത്രി 7.30-ന് യക്ഷഗാനം, മാർച്ച്‌ 26-ന് രാത്രി ഏഴുമുതൽ നൃത്ത പരിപാടി, 10-ന് തിരിച്ചെഴുന്നെള്ളത്ത്. മാർച്ച്‌ 27-ന് രാത്രി 7.30-ന് രംഗോത്സവം, മാർച്ച്‌ 28-ന് രാത്രി 7.30-ന് നാടകം, മാർച്ച്‌ 29-ന് രാത്രി നൃത്ത അരങ്ങേറ്റം, തുടർന്ന് യോഗതാളം, മാർച്ച്‌ 30-ന് രാത്രി ഒൻപതിന് സംഗീതനിശ, 11-ന് കണ്ണാടിപ്പറമ്പ് ഗണപതിക്ഷേത്രത്തിൽ നിന്ന് കരടിവരവ്, തുടർന്ന് പള്ളിവേട്ടയ്ക്ക് എഴുന്നള്ളത്ത്, ചന്തം, കരടികളി, ശേഷം വെടിക്കെട്ട്, തിരുനൃത്തം, പൂരക്കളി. മാർച്ച്‌ 31-ന് രാവിലെ 8.30-ന് ആറാട്ടോടെ കൊടിയിറക്കം. ഉച്ചയ്ക്ക് ആറാട്ട് സദ്യയുമുണ്ടാകും.
