തിരുവനന്തപുരം :- ഭിന്ന ശേഷി കുട്ടികൾക്ക് സ്കൂൾ ബസിൽ സീറ്റ് സംവരണം നിർബന്ധമാക്കി. മുഖ്യമന്ത്രിയുടെ നവകേരള സദസ്സിൽ ലഭിച്ച പരാതിയുടെ അടിസ്ഥാനത്തിലാണ് നടപടി. മലപ്പുറം കക്കാട് ജി.എം.യു.പി സ്കൂൾ വിദ്യാർഥി ഫാത്തിമ സനയ്യ ആണ് മുഖ്യമന്ത്രിക്ക് പരാതി നൽകിയിരുന്നത്.
ഭിന്നശേഷിക്കാരായ, സാമ്പത്തികമായി പിന്നാക്കം നിൽക്കുന്ന വിദ്യാർഥികൾക്ക് സ്കൂൾ ബസ് ഫീസിളവ് അനുവദിക്കുന്ന കാര്യം സ്കൂളുകൾ പരിഗണിക്കണമെന്നും പൊതുവിദ്യാഭ്യാസ ഡയക്ടർ നിർദേശിച്ചിട്ടുണ്ട്. ഇക്കാര്യത്തിൽ അതത് സ്കൂളുകളാണ് തീരുമാനമെടുക്കേണ്ടത്.
