.jpg)
മട്ടന്നൂർ :- കണ്ണൂർ രാജ്യാന്തര വിമാനത്താവളത്തിൽ നിന്ന് ഇൻഡിഗോ എയർലൈൻസിൻ്റെ അബുദാബി സർവീസ് മേയ് 18 മുതൽ ആരംഭിക്കും. മേയ് 9 മുതൽ തുടങ്ങുമെന്ന് അറിയിച്ചെങ്കിലും 18ലേക്ക് മാറ്റുകയായിരുന്നു. സമ്മർ ഷെഡ്യൂളിൽ കണ്ണൂരിനും അബുദാബിക്കും ഇടയിൽ പ്രതിദിന സർവീസ് ആണ് ഇൻഡിഗോ നടത്തുക. ടിക്കറ്റ് ബുക്കിങ് കഴിഞ്ഞ മാസം മുതൽ തുടങ്ങിയിരുന്നു. 14664 രൂപ മുതലാണ് ടിക്കറ്റ് നിരക്ക്. ആദ്യമായാണ് ഇൻഡിഗോ കണ്ണൂരിൽ നിന്ന് അബുദാബി സർവീസ് നടത്തുന്നത്. ഇതോടെ ഇൻഡിഗോയ്ക്ക് കണ്ണൂർ വിമാനത്താവളത്തിൽ നിന്ന് 2 രാജ്യാന്തര സർവീസുകളായി.
നിലവിൽ ദോഹ വിമാനത്താവളത്തിലേക്കാണ് ഇൻഡിഗോ നടത്തുന്ന രാജ്യാന്തര സർവീസ്. ഇൻഡിഗോയ്ക്ക് പുറമേ എയർ ഇന്ത്യ എക്സ്പ്രസും ദോഹയിലേക്ക് സർവീസ് നടത്തുന്നതിനാൽ മറ്റു സെക്ടറുകളെ അപേക്ഷിച്ച് ടിക്കറ്റ് നിരക്കിൽ കുറവ് ഉണ്ടായിരുന്നു. ഒന്നിൽ കൂടുതൽ വിമാന കമ്പനികൾ ഓരോ റൂട്ടിൽ സർവീസ് നടത്തിയാൽ ഒരു പരിധി വരെ നിരക്ക് വർധന തടയാൻ കഴിയുമെന്നാണ് പ്രതീക്ഷ. അബുദാബി സെക്ടറിലും ടിക്കറ്റ് കുറഞ്ഞേക്കും.
