കമ്പിൽ :- അക്ഷര കോളേജ് ഉന്നത വിജയം നേടിയ വിദ്യാർത്ഥികളെ അനുമോദിച്ചു. 97 % വിജയം നേടിയ NIOS +2, പ്രീ പ്രൈമറി ടീച്ചേഴ്സ് ട്രെയിനിങ് വിദ്യാർത്ഥികൾ,നവോദയ എൻട്രൻസ് ജേതാക്കൾ, ഡിഗ്രി വിജയികൾ എന്നിവരെയാണ് അനുമോദിച്ചത്. കോളേജ് ഹാളിൽ വെച്ച് നടന്ന ചടങ്ങ് പ്രിൻസിപ്പാൾ കെ.എൻ രാധാകൃഷ്ണൻ മാസ്റ്ററുടെ അധ്യക്ഷതയിൽ ജില്ലാ പഞ്ചായത്ത് മെമ്പർ എൻ.വി ശ്രീജിനി ഉദ്ഘാടനം ചെയ്തു .
കൊളച്ചേരി പഞ്ചായത്ത് മെമ്പർ പിവി വത്സൻ മാസ്റ്റർ സമ്മാനങ്ങളും സർട്ടിഫിക്കറ്റും വിതരണം ചെയ്തു. എഴുത്തുകാരൻ ഡോ: മുരളി മോഹനൻ, പാരലൽ കോളേജ് അസോസിയേഷൻ ജില്ലാ വൈസ് പ്രസിഡന്റ് രാജേഷ് പാലങ്ങാട്ട്, വി.പി നവാസ് എന്നിവർ സംസാരിച്ചു. പി.പി സീത സ്വാഗതവും പി.വി ജിൻഷ നന്ദിയും പറഞ്ഞു.
