കണ്ണൂർ :- വടക്കേ മലബാറിലെ യാത്രാദുരിതം പരിഹരിക്കാൻ അനുവദിച്ച കണ്ണൂർ - ഷൊർണൂർ (0603132) എക്സ്പ്രസ്സ്‌ 2025 ജൂൺ 9 വരെ നീട്ടി. പ്രതിദിന സർവീസായാണ് ട്രെയിൻ യാത്ര തുടരുക. ആഴ്ചയിൽ 4 ദിവസം സർവീസ് എന്ന നിലയിൽ ജൂലൈയിൽ ഒരു മാസത്തേക്ക് അനുവദിച്ച ട്രെയിൻ യാത്രക്കാരുടെ തിരക്ക് പരിഗണിച്ച് തുടരുകയായിരുന്നു. നവംബർ ഒന്നു മുതലാണ് ട്രെയിൻ പ്രതിദിനമാക്കിയത്. അതേസമയം ട്രെയിൻ കാസർഗോട്ടേക്കോ മംഗളൂരുവിലേക്കോ നീട്ടണമെന്ന ആവശ്യം പരിഗണിച്ചില്ല.
സ്പെഷൽ ട്രെയിൻ ആയാണ് സർവീസ് ആരംഭിച്ചത് എന്നതിനാൻ എക്സ്പ്രസ് നിരക്ക് ഈടാക്കുന്നത് തുടരും രാവിലെ 8.10ന് കണ്ണൂരിൽ നിന്നു പുറപ്പെടുന്ന ട്രെയിൻ 8.25ന് തലശ്ശേരിയിലും. 8.365 ന് മാഹിയിലും 9.45 ന് കോഴിക്കോടും 11.45ന് ഷൊർണ്ണൂരുമെത്തും. തിരികെ വൈകിട്ട് 30ന് പുറപ്പെടുന്ന ട്രെയിൻ 5.25ന് കോഴിക്കോടും 6.41) തലശ്ശേരിയിലും രാത്രി 7.25ന് കണ്ണൂരിലും എത്തും.
