ശബരിമല മണ്ഡലപൂജയുടെ ഭാഗമായി നിയന്ത്രണം ഏർപ്പെടുത്തി

ശബരിമല :- മണ്ഡലപൂജയ്ക്ക് തീർഥാടകരുടെ തിരക്ക് നിയന്ത്രിക്കുന്നതിനും തങ്ക അങ്കി ഘോഷയാത്രയുടെ ഭാഗമായും ഡിസംബർ 25, 26 തീയതികളിൽ നിയന്ത്രണം ഏർപ്പെടുത്തിയതായി പത്തനംതിട്ട ജില്ലാ കളക്ടർ എസ്.പ്രേംകൃഷ്ണൻ അറിയിച്ചു. 25-ന് ഉച്ചയ്ക്ക് ഒന്നിനുശേഷം പമ്പയിൽ നിന്ന് പരമ്പരാഗത തീർഥാടനപാതയിലൂടെ തീർഥാടകരെ സന്നിധാനത്തേക്ക് കയറ്റിവിടുന്നതിനും നിയന്ത്രണമുണ്ട്.

25-ന് പമ്പയിലെത്തുന്ന തങ്ക അങ്കി ഘോഷയാത്ര 6.15- ന് സന്നിധാനത്ത് എത്തും. ഇതുകണക്കിലെടുത്ത് പമ്പയിൽ നിന്ന് വൈകീട്ട് അഞ്ചിനു ശേഷം സന്നിധാനത്തേക്ക് കയറ്റിവിടും. 25, 26 തീയതികളിൽ വെർച്വൽ ക്യൂ വഴിയുള്ള ബുക്കിങ് 50,000 മുതൽ 60,000 വരെയായി ക്രമീകരിക്കും. സ്പോട്ട് ബുക്കിങ് 5,000 ആയി നിജപ്പെടുത്തി.