ചട്ടുകപ്പാറ :- ചട്ടുകപ്പാറ കൈരളി വായനശാല & ഗ്രന്ഥാലയത്തിന്റെ നേതൃത്വത്തിൽ എം.ടി അനുസ്മരണവും പത്താമുദയം വായനമത്സര വിജയികൾക്കുള്ള അനുമോദനവും നടത്തി. പരിപാടിയിൽ വെച്ച് പുസ്തകാസ്വാദനവും നടന്നു. എം.ടി വാസുദേവൻനായരെ അനുസ്മരിച്ച് വി.പി ബാബുരാജ് പ്രഭാഷണം നടത്തി. പ്രസിഡന്റ്‌ ആർ.വി രവീന്ദ്രൻ അധ്യക്ഷനായി.
പത്താമുദയം SSLC തുല്യത പരീക്ഷയിൽ ഉന്നത വിജയം നേടിയ പി.ഷീബ, പി.പി മനോഹരൻ, പി.കെ സരസ്വതി, കെ.ഉഷ, സ്റ്റേറ്റ് ലൈബ്രറി കൗൺസിൽ ഹൈസ്കൂൾ വിഭാഗം ജില്ലാതലത്തിൽ മത്സരിച്ച ഇഷ.എ, ഗ്രന്ഥശാല തലം വനിത വായന മത്സരത്തിൽ ഒന്നാം സ്ഥാനം ലഭിച്ച ഭവാനി. കെ.കെ, രണ്ടാം സ്ഥാനം ലഭിച്ച രാജലക്ഷ്മി ടി.വി എന്നിവരെ ഉപഹാരം നൽകി ആദരിച്ചു. തുടർന്ന് പി.കെ സരസ്വതി `മേഘകുടകൾ`` പുസ്തകാസ്വാദനം നടത്തി. വായനശാല സെക്രട്ടറി വരുൺ.യു സ്വാഗതവും വനിതാവേദി സെക്രട്ടറി പ്രജിഷ നന്ദിയും പറഞ്ഞു.
