കാത്തിരിപ്പിനൊടുവിൽ ഐഫോൺ 17 സീരിസ് ഇന്ന് പുറത്തിറങ്ങും. ആപ്പിളിൻ്റെ ഓ ഡ്രോപ്പിങ് (Awe-dropping) പരിപാടിയിലാണ് പുതിയ ജനപ്രിയ ഉത്പന്നങ്ങൾ പുറത്തിറക്കുക. ഇന്ത്യൻ സമയം രാത്രി 10:30 നാണ് പരിപാടി ആരംഭിക്കുക. പുതിയ ഐഫോൺ 17 ലൈനപ്പിനൊപ്പം ആപ്പിൾ വാച്ച് സീരീസ്, എയർപോഡ്‌സ്, മറ്റ് അനുബന്ധ ഉത്പന്നങ്ങൾ എന്നിവയും കമ്പനി പുറത്തിറക്കും.
ഐഫോൺ 17, ഐഫോൺ 17 എയർ, ഐഫോൺ 17 പ്രോ, ഐഫോൺ 17 പ്രോ മാക്സ് മോഡലുകളാണ് പുതിയ സീരിസിൽ ഉണ്ടാവുക. ലോഞ്ചിങ് ചടങ് ആപ്പിളിന്റെ വെബ്സൈറ്റിലും യൂട്യൂബ് ചാനലിലും Apple TV ആപ്പിലും തത്സമയം കാണാനാകും. ഇന്ത്യയിൽ സെപ്റ്റംബർ 19 ന് വിൽപ്പന ആരംഭിക്കും. സെപ്റ്റംബർ 12 ന് പ്രീ-ഓർഡറുകൾക്ക് തുടക്കമാകും.
ഐഫോൺ 17 സീരിസ് ഐഫോൺ 17. ഐഫോൺ 17 പ്രോ, ഐഫോൺ 17 പ്രോ മാക്സ്, ഐഫോൺ 17 എയർ എന്നിങ്ങനെയാണ് പുതുതായി വിപണിയിലെത്തുന്ന നാല് മോഡലുകൾ. നേരത്തെ ഐഫോൺ 12, 13 സീരീസുകളിൽ മിനി മോഡലും, ഐഫോൺ 14, 15, 16 സീരീസുകളിൽ പ്ലസ് മോഡലും അവതരിപ്പിച്ച ആപ്പിൾ ഇത്തവണ അവതരിപ്പിക്കുന്നത് ഐഫോൺ 17 എയർ ആണ്. ആപ്പിളിന്റെ ഏറ്റവും കനം കുറഞ്ഞ ഐഫോൺ ആയിരിക്കും ഇത്.
വെറും 5.5 മില്ലിമീറ്റർ കനം മാത്രമാണ് ഐഫോൺ 17 എയറിന് ഉണ്ടാവുക. ഐഫോൺ 16 പ്രൊയേക്കാൾ മൂന്നിലൊന്ന് കനം കുറവായിരിക്കും ഇതിന് ആപ്പിളിന്റെ ഏറ്റവും വലിയ ഡിസൈൻ മാറ്റമാണിത്. ഐഫോൺ 17 എയറിൽ 6.6 ഇഞ്ച് ഡിസ്പ്ലേ ഉണ്ടാകും. പുതിയ A19 പ്രോസസ്സറാണ് ഇതിൽ ഉപയോഗിക്കുക. ആപ്പിളിൻ്റെ സ്വന്തം Wi-FI ചിപ്പും C1 മോഡവും ഇതിലുണ്ടാകും. കനം കുറഞ്ഞതിനാൽ ഇതിൽ SIM കാർഡ് ഇടാൻ സാധിക്കില്ല. eSIM ടെക്നോളജി മാത്രമേ ഉപയോഗിക്കാനാവൂ. ബാറ്ററി ലൈഫിനെക്കുറിച്ച് ആശങ്കയുണ്ടായിരുന്നെങ്കിലും, നിലവിലെ ഐഫോൺ മോഡലുകൾക്ക് തുല്യമായ ബാറ്ററി ലൈഫ് ഇതിനുണ്ടെന്നാണ് പുതിയ റിപ്പോർട്ടുകൾ സൂചിപ്പിക്കുന്നത്.
അടിമുടി മാറ്റങ്ങളോടെയാണ് ഐഫോൺ 17 സീരിസ് ഇറങ്ങുന്നത്. പുതിയ നിറങ്ങളും കാമറ ബബ് ഡിസൈനും പ്രധാന ആകർഷണങ്ങളാണ്. ഈ സീരീസ് ആപ്പിളിൻ്റെ നൂതന സാങ്കേതികവിദ്യയും ഡിസൈൻ മികവും പ്രതിഫലിപ്പിക്കുന്നതാണ്. ആപ്പിൾ വാച്ച് സീരീസ് 11 ആപ്പിൾ വാച്ച് സീരീസ് 10 ന് സമാനമായ രൂപകൽപന തന്നെയായിരിക്കും ആപ്പിൾ വാച്ച് സീരീസ് 11 നുമെന്നാണ് റിപ്പോർട്ടുകൾ. കൂടുതൽ ബ്രൈറ്റ്നെസും നിറങ്ങളും വാഗ്ദാനം ചെയ്യുന്ന പുതിയ സ്ക്രീൻ ആയിരിക്കും ഉപയോഗിക്കുക. എയർപോഡ് പ്രോ 3 എയർപോഡ് പ്രോ 3യിൽ ഹാർട്ട് റേറ്റ് മോണിറ്റർ, പുതിയ രൂപകൽപനയിലുള്ള ചാർജിങ് കെയ്‌സ്, പുതിയ പെയറിങ് മെക്കാനിസം ഉൾപ്പടെയുള്ള മാറ്റങ്ങൾ ഉണ്ടായേക്കും.
