മയ്യിൽ :- വള്ളിയോട്ട് ജയകേരള വായനശാലയുടെ ആഭിമുഖ്യത്തിൽ പൂപ്പൊലിഓണാഘോഷം 2025 ൻ്റെ ഭാഗമായി പുതുതലമുറയ്ക്ക് അന്യമായിക്കൊണ്ടിരിക്കുന്ന നാട്ടുപൂക്കളുടെ പ്രദർശനവും മത്സരവും നടത്തി. തുമ്പ,മുക്കുറ്റി, നന്ത്യാർവട്ടം, വെള്ളില, കാക്കപ്പൂവ് തുടങ്ങി 60 ഓളം പൂക്കൾ പ്രദർശിപ്പിച്ചു. 'എത്ര പൂവിൻപേരെഴുതാം' മത്സരത്തിൽ 23 കുട്ടികൾ പങ്കെടുത്തു.
പൂപ്പൊലിയുടെ സമാപന സമ്മേളനത്തിൽ കവയത്രി ടി.പി നിഷ ടീച്ചർ ഉദ്ഘാടനവും വിജയികൾക്കുള്ള സമ്മാന വിതരണവും നിർവ്വഹിച്ചു. വി.വി അജീന്ദ്രൻ അധ്യക്ഷത വഹിച്ച ചടങ്ങിൽ ഇ.പി രാജൻ വി.വി ദേവദാസൻ, ഡോ.കെ.രാജഗോപാലൻ, എം.വി ഓമന എന്നിവർ സംസാരിച്ചു. എം.മനോഹരൻ സ്വാഗതവും ടി.എൻ ശ്രീജ നന്ദിയും പറഞ്ഞു.
