തിരുവനന്തപുരം :- സുഹൃത്തുക്കൾക്കൊപ്പം നദിയിൽ കുളിക്കാനിറങ്ങിയ രണ്ടു വിദ്യാർത്ഥികൾ മുങ്ങി മരിച്ചു. തിരുവനന്തപുരം ആറ്റിങ്ങൽ കടയ്ക്കാവൂർ ഗ്രാമപഞ്ചായത്തിലെ മേലാറ്റിങ്ങൽ ഉദിയറ കുളിക്കടവിലാണ് സംഭവം. കല്ലൂർക്കോണം ഗവ. ഹൈസ്കൂളിലെ പത്താം ക്ലാസ് വിദ്യാർത്ഥികളായ നിഖിൽ, ഗോകുൽ എന്നിവരാണ് മരിച്ചത്.
ഇന്നലെ വൈകുന്നേരത്തോടെയാണ് നാലുപേർ ഒന്നിച്ച് നദിയിൽ കുളിക്കാനിറങ്ങിയത്. കുറച്ചു കഴിഞ്ഞ രണ്ടു വിദ്യാർത്ഥികൾ ഓടിവന്ന് മറ്റു രണ്ടുപേരെ കാണാനില്ലെന്ന് നാട്ടുകാരോട് വിളിച്ചു പറയുകയായിരുന്നു. സംഭവം അറിഞ്ഞ് നാട്ടുകാർ സ്ഥലത്തെത്തിയെങ്കിലും വിദ്യാർത്ഥികളെ കണ്ടെത്താനായില്ല. തുടർന്ന് ഫയർഫോഴ്സെത്തിയാണ് കുട്ടികളെ കണ്ടെത്തിയത്. രണ്ടുപേരെയും പുറത്തെടുത്തെങ്കിലും മരിച്ചിരുന്നു.
