മയ്യിൽ :- കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ മയ്യിൽ യൂണിറ്റ് വാർഷിക സമ്മേളനം സംഘടിപ്പിച്ചു. യൂണിറ്റ് പ്രസിഡണ്ട് കൈപ്രത്ത് നാരായണൻ മാസ്റ്റരുടെ അദ്ധ്യക്ഷതയിൽ സംസ്ഥാന കമ്മറ്റി മെമ്പർ ഇ.മുകുന്ദൻ ഉദ്ഘാടനം ചെയ്തു. പെൻഷൻ പരിഷ്ക്കരണ നടപടികൾ ഉടനെ ആരംഭിക്കുക, കുടിശിഖയായ ആനുകൂല്യങ്ങൾ ഉടൻ അനുവദിക്കുക മുതലായ ആവശ്യങ്ങളടങ്ങിയ പ്രമേയങ്ങൾ സമ്മേളനം ഏകകണ്ഠമായി അംഗീകരിച്ചു.
പെൻഷൻ ഭവനിൽ നടന്ന പരിപാടിയിൽ രതി ടീച്ചറുടെ നേതൃത്വത്തിൽ സ്വാഗതഗാനം ആലപിച്ചു. സെക്രട്ടറി എം.പി പ്രകാശ് കുമാർ പ്രവർത്തന റിപ്പോർട്ടും, പി.കെ. രമണി ടീച്ചർ വരവ് ചെലവ് കണക്കും അവതരിപ്പിച്ചു. തദ്ദേശ ഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ട യൂനിയൻ മെമ്പർമാരായ സി.സി വിനോദ് കുമാർ,യു ലക്ഷ്മണൻ, സൗമിനി ടീച്ചർ എന്നിവരെ ബ്ലോക്ക് സെക്രട്ടറി സി.പത്മനാഭൻ അനുമോദിച്ചു. സി.വി ഗംഗാധരൻ നമ്പ്യാർ, കെ.ബാലകൃഷ്ണൻ, കെ.വി യശോദടീച്ചർ, എം.ജനാർദ്ദനൻ മാസ്റ്റർ, ടി.രാഘവൻ, കെ.പി വിജയൻ നമ്പ്യാർ, കെ അബ്ദുൾമജീദ്, വി.വി പ്രേമരാജൻ, കെ.വി ഗീത, കെ.മോഹനൻ, കെ.സി പത്മനാഭൻ, പി.വി പത്മിനി എന്നിവർ സംസാരിച്ചു. കെ.കെ ലളിത കുമാരി സ്വാഗതം പറഞ്ഞു.
ഭാരവാഹികൾ
പ്രസിഡന്റ് : കൈപ്രത്ത് നാരായണൻ
വൈസ് പ്രസിഡന്റ് : സി.വി ഗംഗാധരൻ നമ്പ്യാർ, പി.വി പത്മിനി, പി.പി കൃഷ്ണൻ
സെക്രട്ടറി ' എം.പി. പ്രകാശ് കുമാർ
ജോയിന്റ് സെക്രട്ടറി : കെ.കെ ലളിത കുമാരി, ഒ.എം മധുസൂദനൻ, കെ.സി പത്മനാഭൻ,
ട്രഷറർ : കെ.വിജയൻ
