മയ്യിൽ:- പെരുമാച്ചേരി എ.യു.പി സ്കൂളിലെ വിദ്യാർത്ഥികൾക്കായി മയ്യിൽ പഞ്ചായത്ത് വിദ്യാഭ്യാസ പദ്ധതിയുടെ ഭാഗമായി ദ്വിദിന സഹവാസ ക്യാമ്പ് നടത്തി.കുട്ടികളുടെ സർഗ്ഗാത്മകവും വൈജ്ഞാനികവുമായ കഴിവുകളെ പരിപോഷിപ്പിക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിച്ചത്.
വാർഡ് മെമ്പർ പി. രഞ്ജിത്തിൻ്റെ അധ്യക്ഷതയിൽ മയ്യിൽ ഗ്രാമപഞ്ചായത്ത് പ്രസിഡന്റ് ശ്രീ. സി.സി. വിനോദ് കുമാർ ഉദ്ഘാടനം ചെയ്തു. തുടർന്ന് വിവിധ സെഷനുകളിലായി ക്ലാസുകൾ നടന്നു. പി ടി എ പ്രസിഡണ്ട് കെ വി പ്രദീഷ്, മദർ പി ടി എ പ്രസിഡൻറ് കെ രജില എന്നിവർ ആശംസ നേർന്നു. അധ്യാപകൻ കെ. യം ഗിരീഷ് കുമാർ സ്വാഗതവും സ്റ്റാഫ് സെക്രട്ടറി റഷീദ നന്ദിയും പറഞ്ഞു. രണ്ടാം ദിവസം ക്യാമ്പ് അവലോകനവും വാർഡ് മെമ്പർ കുട്ടികൾക്കുള്ള സർട്ടിഫിക്കറ്റ് വിതരണവും നടത്തി.
