ചൊക്ലി:- പ്രമുഖ പണ്ഡിതനും സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ അംഗവും നിരവധി മഹല്ലുകളുടെ ഖാസിയുമായ ഈസ്റ്റ് പള്ളൂരിലെ ടി.എസ് ഇബ്രാഹീം കുട്ടി മുസ്ല്യാർ (88) നിര്യാതനായിപ്രമുഖ പണ്ഡിതനായിരുന്ന ഖുതുബി മുഹമ്മദ് മുസ്ലിയാരുടെ പേര മകനാണ്.
പൊതു പരിപാടിക്കിടെ ഉണ്ടായ അപകടത്തിൽ ഗുരുതരമായി പരുക്കേറ്റ് ചികില്സയിലായിരുന്നു.പുതുച്ചേരി സംസ്ഥാന ഹജ്ജ് കമ്മിറ്റി അംഗമായും, തലശ്ശേരി, മാഹി, പാനൂർ, ചൊക്ലി, കോട്ടക്കല്, നിട്ടൂര്, അഴിയൂർ തുടങ്ങിയ മുപ്പതോളം മഹല്ലുകളുടെ ഖാസിയായും സേവനമനുഷ്ഠിച്ചു വരികയായിരുന്നു.മങ്ങാട് മഹല്ല് പ്രസിഡൻ്റ്, ഖുതുബി ചാരിറ്റബിൾ ട്രസ്റ്റ് ചെയർമാൻ എന്നീ നിലകളിലും പ്രവർത്തിച്ച് വരുന്നു.
