പാലക്കാട് :- പാലക്കാട് മലമ്പുഴയിൽ കാട്ടാനയുടെ ആക്രമണത്തിൽ ഒരാൾ മരിച്ചു. അകമലവാരം സ്വദേശി ചന്ദ്രനാണ് മരിച്ചത്. വീടിന് സമീപത്തുള്ള മരത്തിന്റെ ചുവട്ടിൽ കിടന്നുറങ്ങുകയായിരുന്നു ചന്ദ്രൻ. പുലർച്ചെയായിരുന്നു ആനയുടെ ആക്രമണം. ഇന്ന് പുലർച്ചെ 4.30ഓടെയാണ് സംഭവമുണ്ടായത്. വെള്ളരിത്താനം സ്വദേശിയായ 55കാരൻ ചന്ദ്രനാണ് ആനയുടെ ആക്രമണത്തിൽ ജീവൻ നഷ്ടമായത്. ചൂട് കാലമായതിനാൽ വീടിനടുത്തുള്ള പുളിമരത്തിന് ചുവട്ടിൽ കിടന്നുറങ്ങുകയായിരുന്നു ചന്ദ്രൻ.
ഇങ്ങനെ ഉറങ്ങുന്നത് പതിവാണ്. ചന്ദ്രനൊപ്പം 2 സുഹൃത്തുക്കൾ കൂടിയുണ്ടായിരുന്നു. കാട്ടാന വരുന്ന ശബ്ദം കേട്ട് ഇവർ ഓടിരക്ഷപ്പെട്ടു. ഉറക്കത്തിലായിരുന്ന ചന്ദ്രൻ അറിഞ്ഞില്ല. ആന ചന്ദ്രനെ വലിച്ചെടുത്ത് കൊണ്ടുപോയി എന്നാണ് ദൃക്സാക്ഷികൾ പറയുന്നത്. നാട്ടുകാർ ബഹളം വെച്ച് ആനയെ തുരത്തി. ചന്ദ്രനെ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഈ ഭാഗത്ത് ആനയിറങ്ങാറുള്ള സ്ഥലമാണെന്നും പ്രദേശവാസികൾ പറയുന്നു.
