ചേലേരി:- സമസ്തയുടെ നൂറാം വാർഷികാഘോഷങ്ങളുടെ ഭാഗമായി സംസ്ഥാന വ്യാപകമായി സംഘടിപ്പിക്കുന്ന 'അസ്സുഫ്നാട്ടുദർസ്' പദ്ധതിക്ക് ചേലേരിയിൽ തുടക്കമായി. കേരള മുസ്ലിം ജമാഅത്ത്, എസ്.വൈ.എസ്, എസ്.എസ്.എഫ് ചേലേരി യൂണിറ്റ് കമ്മിറ്റികളുടെ നേതൃത്വത്തിൽ വാദി രിഫാഈ എഡ്യൂക്കേഷണൽ സെന്ററിലാണ് ദർസ് നടന്നത്.
സയ്യിദ് അബ്ദുറഹ്മാൻ ജമലുല്ലൈലി സഖാഫി ദർസിന് നേതൃത്വം നൽകി. ഫാറൂഖ് മുസ്ലിയാർ മാണിയൂർ അധ്യക്ഷത വഹിച്ച പരിപാടി പി. മുസ്തഫ സഖാഫി ഉദ്ഘാടനം ചെയ്തു.
നാട്ടിൻപുറങ്ങളിൽ വിജ്ഞാന സദസ്സുകൾ സജീവമാക്കുന്നതിലൂടെ സമൂഹത്തിൽ ആത്മീയ ചൈതന്യം നിലനിർത്തുക എന്ന ലക്ഷ്യത്തോടെയാണ് സമസ്ത ഈ ബൃഹത്തായ പദ്ധതി ആവിഷ്കരിച്ചിരിക്കുന്നത്. ഇന്ത്യൻ ഗ്രാൻഡ് മുഫ്തി കാന്തപുരം എ.പി. അബൂബക്കർ മുസ്ലിയാർ രചിച്ച 'അൽ വജീസ്' എന്ന ഗ്രന്ഥമാണ് ഈ പദ്ധതിയിലൂടെ ദർസുകളിൽ പഠിപ്പിക്കുന്നത്.
