പയ്യന്നൂർ :- നീറ്റ് പരീക്ഷയെഴുതുന്ന വിദ്യാർഥികൾക്കായി റെയിൽവേ മലബാറിലേക്ക് മൂന്ന് പ്രത്യേക തീവണ്ടികൾ ഓടിക്കും. ഞായറാഴ്ച രണ്ട് മെമു വണ്ടികളും ഒരു പാസഞ്ചർ വണ്ടിയുമാണ് പാലക്കാട് റെയിൽവേ ഡിവിഷൻ ഓടിക്കുന്നത്. റെയിൽവേ കൗണ്ടറുകൾ, എ.ടി.വി.എം മെഷീൻ, റെയിൽ വൺ ആപ്പ് എന്നിവയിലൂടെ ടിക്കറ്റെടുക്കാം.
പാലക്കാട്-കാസർഗോഡ് അൺ റിസർവ്ഡ് മെമു (06131) ഞായറാഴ്ച രാവിലെ 5.50 ന് പാലക്കാട്ടു നിന്ന് പുറപ്പെടും. 11.30 ന് കാസർകോട്ടെത്തും.
സ്റ്റോപ്പുകൾ : ഒറ്റപ്പാലം-6.15, ഷൊർണൂർ-6.35, പട്ടാമ്പി-6.54, കുറ്റിപ്പുറം-7.13, തിരൂർ-7.27, പരപ്പനങ്ങാടി-7.41, കോഴിക്കോട്-8.19, കൊയിലാണ്ടി-8.37, വടകര-8.54, തലശ്ശേരി-9.17, കണ്ണൂർ-9.55, പഴയങ്ങാടി-10.17, പയ്യന്നൂർ-10.28, ചെറുവത്തൂർ-10.44, കാഞ്ഞങ്ങാട്-10.59, കാസർകോട്-11.30).
കണ്ണൂർ-തൃശ്ശൂർ അൺ റിസർവ്ഡ് മെമു സ്പെഷ്യൽ (06132) ഞായറാഴ്ച വൈകിട്ട് 6.15-ന് കണ്ണൂരിൽ നിന്ന് പുറപ്പെടും. രാത്രി 11.45-ന് തൃശ്ശൂരിലെത്തും
മറ്റ് സ്റ്റോപ്പുകൾ : തലശ്ശേരി-6.37, വടകര-658, കോഴിക്കോട്-7.45, ഫാറൂഖ്- 8.04, പരപ്പനങ്ങാടി-8.21, താനൂർ-8.30, തിരൂർ-8.39, കുറ്റിപ്പുറം-8.53, പട്ടാമ്പി-9.14, ഷൊർണൂർ-10.10, വടക്കാഞ്ചേരി-11.18, മുളംകുന്നത്തു കാവ്-11.29, തൃശ്ശൂർ-11.45)
കണ്ണൂർ-കോഴിക്കോട് അൺ റിസർവ്ഡ് പാസഞ്ചർ സ്പെഷ്യൽ (06133) ഞായറാഴ്ച രാത്രി 8.30-ന് കണ്ണൂരിൽനിന്ന് പുറപ്പെടും. കോഴിക്കോട്ട് 10.20-ന് എത്തും.
